ରାଜନଗର, ୧୫ା୨(ଡି.ଏନ.ଏ.): ଗଁା ପରିବେଶକୁ ସୁସ୍ଥ ରଖିବାକୁ ସ୍ବଚ୍ଛ ଭାରତ ଯୋଜନାରେ ବ୍ୟକ୍ତିଗତ ପାଇଖାନା ନିର୍ମାଣ କରାଯାଉଛି। ବାହାରେ ମଳତ୍ୟାଗ ଯୋଗୁ ପରିବେଶ ଦୂଷିତ ହେଉଥିବାରୁ ସମସ୍ତେ ଯେପରି ପାଇଖାନା ବ୍ୟବହାର କରିବେ ସେଥିପ୍ରତି ଗୁରୁତ୍ୱ ଦିଆଯାଉଛି। ସ୍ବଚ୍ଛ ଭାରତ ଫେଜ-୧ ଓ ଫେଜ-୨ ରେ ରାଜନଗର ବ୍ଲକକୁ ଏବେ ସୁଦ୍ଧା ୨୫ ହଜାରରୁ ଊର୍ଦ୍ଧ୍ୱ ପାଇଖାନା ନିର୍ମାଣ କରାଯାଇ ସରକାରୀ ତହବିଲରୁ ଟଙ୍କା ଉଠାଇ ନିଆଯାଇଛି। ବ୍ଲକର ଘଡିଆମାଳ ପଞ୍ଚାୟତ ପଞ୍ଚୁପଲ୍ଲୀ ଗଁାର ୪ ହିତାଧିକାରୀଙ୍କ ନଁାରେ ପାଇଖାନା ଅର୍ଥ ଲୁଟି ନିଆଯାଇଥିବା ନେଇ ବାରମ୍ବାର ବ୍ଲକ କାର୍ଯ୍ୟାଳୟରେ ପହଞ୍ଚତ୍ ଲିଖିତ ଅଭିଯୋଗ କରୁଥିଲେ ବି ପ୍ରଶାସନର ନୀରବଦ୍ରଷ୍ଟା ସାଜିଛି। ମଙ୍ଗଳବାର ରାଜନଗର ବ୍ଲକ କାର୍ଯ୍ୟାଳୟରେ ବୃଦ୍ଧ ବାସୁଦେବ ଦାସ ପହଞ୍ଚତ୍ ସେମାନଙ୍କ ନଁାରେ ପାଇଖାନା ଟଙ୍କା ହଡପ କରାଯାଇଥିବା ଅଭିଯୋଗ ବିଡିଓ ସମୀର କୁମାର ବେହେରାଙ୍କ ନିକଟରେ କରିବା ସହ ନ୍ୟାୟ ପ୍ରଦାନ ପାଇଁ ନେହୁରା ହୋଇଛନ୍ତି। ତାଙ୍କୁ ନ୍ୟାୟ ପ୍ରଦାନରେ ବିଳମ୍ବ ହେଲେ, ସେ ପରିବାର ସହ ବିଡିଓଙ୍କ କାର୍ଯ୍ୟାଳୟ ସମ୍ମୁଖରେ ଅନଶନରେ ବସିବେ ବୋଲି ଲିଖିତ ଭାବେ ଜଣାଇଛନ୍ତି।
ସ୍ବଚ୍ଛ ଭାରତ ମିଶନ ଯୋଜନାରେ ବ୍ୟକ୍ତିଗତ ପାଇଖାନା ନିର୍ମାଣ ପାଇଁ ସରକାର ୧୨ ହଜାର ଟଙ୍କା ସହାୟତା ରାଶି ଯୋଗାଇ ଦେଉଛନ୍ତି। ହିତାଧିକାରୀ ନିଜେ ପାଇଖାନା ନିର୍ମାଣ କରିବେ କିମ୍ବା ଠିକାଦାର ମାଧ୍ୟମରେ କରାଇବାର ବ୍ୟବସ୍ଥା ରହିଛି। ଠିକାଦାରମାନେ ହିତାଧିକାରୀଙ୍କ ପାଇଖାନା ନିର୍ମାଣ କରିଥିବା ଦର୍ଶାଇ ସରକାରୀ ଟଙ୍କାକୁ ହଡପ କରିଥିବା ଅଭିଯୋଗ ହୋଇଛି। ପ୍ରକୃତ ହିତାଧିକାରୀଙ୍କ ଘରେ ପାଇଖାନା ନିର୍ମାଣ ହୋଇ ନ ଥିବା ବେଳେ ଏ ବାବଦକୁ ଉଠିଥିବା ଟଙ୍କାଟିଏ ମଧ୍ୟ ପାଇନାହାନ୍ତି। ପଞ୍ଚୁପଲ୍ଲୀ ଗଁାର ବାସୁଦେବ ଦାସ, ସୁଶାନ୍ତ ଦାସ, ପ୍ରଶାନ୍ତ ଦାସ ଓ ସୁକଦେବ ଦାସ ରାଜନଗର ବ୍ଲକ କାର୍ଯ୍ୟାଳୟରେ ପହଞ୍ଚତ୍ ସେମାନେ ପାଇଖାନା ପାଇ ନ ଥିବା ବେଳେ ସେମାନଙ୍କ ନଁାରେ ଟଙ୍କା ଉଠାଇ ନିଆଯାଇଥିବା ଗୁରୁତର ଅଭିଯୋଗ କରିଛନ୍ତି। ସେମାନଙ୍କ ଅଭିଯୋଗ ମୁତାବକ, ୨ବର୍ଷ ତଳେ ଦାରୁଓରା ଗଁାର ଜଣେ ଯୁବକ ଆମର ପାଇଖାନା ଆସିଛି, କାର୍ଯ୍ୟାଦେଶ ଦିଆଯିବ କହି ଆମଠାରୁ କାଗଜପତ୍ର ନେଇ ଥିଲେ। ଆଜି ମିଳିବ, କାଲି ମିଳିବ କହି ଆମକୁ ଆଜିଯାଏ ଭୁଅଁା ବୁଲାଇ ଆସୁଛନ୍ତି। ଆମ ଘରେ ସେ ପାଇଖାନା ନିର୍ମାଣ କରିଥିବା ଦର୍ଶାଇ ଟଙ୍କା ଉଠାଇ ନେଇଛନ୍ତି। ପାଇଖାନା ନ ଥିବାରୁ ପରିବାର ସଦସ୍ୟ ଏବେ ବି ରାସ୍ତାକଡ ଓ ନଈକୂଳକୁ ଶୌଚ ହେବାକୁ ଯାଉଛୁ। ଆମ ନଁାରେ ଟଙ୍କା ଉଠିଥିବା ଜାଣିବା ପରେ ଆମେ ପୂର୍ବ ବିଡିଓଙ୍କୁ ଲିଖିତ ଭାବେ ମାସେ ତଳେ ଜଣାଇ ଥିଲୁ। ମାତ୍ର ବିଡିଓ ଆମ କଥା ବୁଝିବା ପାଇଁ ଏବିଡିଓଙ୍କୁ ଦାୟିତ୍ୱ ଦେଇଥିଲେ। ଏପରିକି ଆମ ନଁାରେ ଟଙ୍କା କାହା ଆକାଉଣ୍ଟକୁ କେତେ ତାରିଖରେ ଯାଇଛି, ତାହା କାର୍ଯ୍ୟାଳୟ ପକ୍ଷରୁ କୁହାଯାଉନାହିଁ। ଆମେ ପାଇଖାନା ନିର୍ମାଣ କରି ନ ଥିବା ବେଳେ କିମ୍ବା କୌଣସି ଠିକାଦାର ଆମ ଘରକୁ ଯାଇ ପାଇଖାନା ପାଇଁ ଖଣ୍ଡେ ଇଟା ଯୋଡି ନାହାନ୍ତି। କିପରି ଆମ ନଁାରେ ଟଙ୍କା ଉଠିଲା, ସେ ନେଇ ପ୍ରଶ୍ନ କରିଛନ୍ତି।