ଭୁବନେଶ୍ୱର,୭।୮: ୧୩ ତମ କଟନ ଫାବ୍ ମେଳାର ଚାହିଦା ଓ ଲୋକଙ୍କ ଉତ୍ସାହକୁ ନଜରରେ ରଖି ଆୟୋଜକଙ୍କ ପକ୍ଷରୁ ପ୍ରଦର୍ଶନୀର ସମୟସୀମାକୁ ୨୨ ଅଗଷ୍ଟ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି। ସ୍ଥାନୀୟ ପ୍ରଦର୍ଶନୀ ପଡ଼ିଆରେ ଜାରି ରହିଥିବା କଟନ ଫାବ୍-୨୦୨୨ରେ ପାରମ୍ପରିକ ହସ୍ତତନ୍ତ ବସ୍ତ୍ରର ଏକ ସମ୍ଭାର ଉପଲବ୍ଧ ରହିଛି। ଉକ୍ତ ପ୍ରଦର୍ଶନୀରେ ଭାରତୀୟ ପାରମ୍ପରିକ ହ୍ୟାଣ୍ଡଲୁମ୍ ଟେକ୍ସଟାଇଲ୍,ଡ୍ରେସ୍ ମ୍ୟାଟେରିଆଲ୍,ଶାଢ଼ି , କୁର୍ତ୍ତୀ ଏବଂ ପାରମ୍ପରିକ ପ୍ରିଣ୍ଟ୍ ଉତ୍ପାଦ ବିଶେଷକରି ଲକ୍ଷ୍ନୌ,ଗୁଜରାଟୀ ଏବଂ ରାଜସ୍ଥାନୀ ଆଦିର ଭିନ୍ନ ଭିନ୍ନ ପୋଷାକ ଗ୍ରାହକ ଓ ପ୍ରଦର୍ଶକଙ୍କୁ ଆକୃଷ୍ଟ କରିଛି। ଗୋଟିଏ ସ୍ଥାନରେ ସବୁ ରାଜ୍ୟର ପୋଷାକର ସଂଗ୍ରହ ଗ୍ରାହକଙ୍କ ପାଇଁ ଏହା ଏକ ସର୍ବୋତ୍ତମ ସୁଯୋଗ, ଯେଉଁମାନେ ଭାରତୀୟ ପାରମ୍ପରିକ ବସ୍ତ୍ରକୁ ଭଲ ପାଆନ୍ତି ଏବଂ ପାରମ୍ପରିକ ସୂତା କିଣିବାକୁ ଚାହୁଁଛନ୍ତି ସିଧାସଳଖ ସେମାନେ ବୁଣାକାର ଏବଂ କାରିଗରଠାରୁ ରେଶମ କପଡା ପାଇପାରିବେ। ସମଗ୍ର ଦେଶର ହ୍ୟାଣ୍ଡଲୁମ୍ ଆଇଟମ୍ ପାଇଁ ଗୋଟିଏ ସ୍ଥାନ ଓ ପ୍ରଦର୍ଶନୀ ହ୍ୟାଣ୍ଡଲୁମ୍ର ସୂତା ଶାଢ଼ିି, ପୋଷାକ ସାମଗ୍ରୀ, କୁର୍ତ୍ତା, କୁର୍ତ୍ତୀ, ଡୋରି, ଡୁପାଟା ଏବଂ ଘର ସାଜସଜ୍ଜା ଏବଂ ଏକ ପାରମ୍ପରିକ ହସ୍ତତନ୍ତ ଡିଜାଇନର୍ ପୋଷାକର ସୂକ୍ଷ୍ମ ସଂଗ୍ରହ ଉପଲବ୍ଧ। ସେହିଭଳି ଏଠାରେ ଉଭୟ ପୁରୁଷ ଓ ମହିଳାଙ୍କ ସମେତ ପିଲାଙ୍କ ପାଇଁ ମଧ୍ୟ ଭଳିକି ଭଳି ପୋଷାକ ଓ ଅନ୍ୟାନ୍ୟ ଅତ୍ୟାବଶ୍ୟକ ବସ୍ତ୍ରର ସମ୍ଭାର ସୁଲଭ ଓ ଗୁଣାତ୍ମକ ସାମଗ୍ରୀ ଗ୍ରାହକ ପାଇପାରିବେ ବୋଲି ଆୟୋଜକଙ୍କ ପକ୍ଷରୁ କୁହାଯାଇଛି।