ନୂଆଦିଲ୍ଲୀ,୧୧।୫ : କୋଲକାତା ନାଇଟ୍ ରାଇଡର୍ସ (କେକେଆର) ଉଇକେଟକିପର ବ୍ୟାଟ୍ସମ୍ୟାନ ଦୀନେଶ କାର୍ତ୍ତିକ ମଙ୍ଗଳବାର କୋଭିଡ୍-୧୯ ଟିକା ନେଇଛନ୍ତି। ଟୁଇଟରରେ ଫଟୋ ଶେୟାର କରି ଏହାର ସୂଚନା ଦେଇଛନ୍ତି କାର୍ତ୍ତିକ। ତାଙ୍କ ଫଟୋ ଯୋଗୁ ଟ୍ରୋଲ କରିଛନ୍ତି ଅଷ୍ଟ୍ରେଲିଆ ବ୍ୟାଟ୍ସମ୍ୟାନ ତଥା ପୂର୍ବତନ କେକେଆର ଷ୍ଟାର କ୍ରିସ ଲିନ। କାର୍ତ୍ତିକଙ୍କ ଟୁଇଟ୍ରେ ଲିନ କମେଣ୍ଟ କରିଛନ୍ତି ‘ ଅତିକମ୍ରେ ପ୍ୟାଣ୍ଟ ପିନ୍ଧିବାର ଥିଲା ’। ଏହାର ଜବାବରେ ଉଇକେଟକିପର ବ୍ୟାଟ୍ସମ୍ୟାନ ଲେଖିଛନ୍ତି, ମୁଁ ତୁମ ଭଳି ଶଟର୍ସ ପିନ୍ଧିଥାନ୍ତି। କିନ୍ତୁ ପରେ ଅନୁଭବ କଲି ମୁଁ ମାଳଦ୍ୱୀପରେ ନାହିଁ। ଏଣୁ ମୁଁ ଏହା ପିନ୍ଧିଦେଲି।
ଉଲ୍ଲେଖଥାଉ କି, ଆଇପିଏଲ ସ୍ଥଗିତ ହେବା ପରେ ଅଷ୍ଟ୍ରେଲିଆନ ଖେଳାଳିମାନେ ସ୍ବଦେଶ ଫେରିବା ପାଇଁ ଏବେ ମାଳଦ୍ୱୀପରେ ଅଛନ୍ତି। କୋଭିଡ୍-୧୯ ଯୋଗୁ ଭାରତରୁ ସିଧାସଳଖ ଅଷ୍ଟ୍ରେଲିଆ ଉଡ଼ାଣ ଉପରେ ନିଷେଧାଦେଶ ଜାରି କରାଯାଇଛି।