ଯୋଡ଼ା, ୧୯।୧୨(ଡି.ଏନ.ଏ.): କେନ୍ଦୁଝର ଜିଲା ଯୋଡ଼ା ବ୍ଲକ ରାସ୍ତାରେ ପୌରପାଳିକା କମ୍ପ୍ଲେକ୍ସରେ ଜଣେ ମାଛ ବ୍ୟବସାୟୀଙ୍କୁ ଜାଲ ନୋଟ ଦେଇଥିବା ନେଇ ଥାନାରେ ଅଭିଯୋଗ ହୋଇଛି। ଶନିବାର ଅପରାହ୍ନରେ ପୌରପାଳିକା କମ୍ପ୍ଲେକ୍ସରେ ମାଛ ବ୍ୟବସାୟୀ ସୁକାନ୍ତ କୁମାର ବାନାଙ୍କୁ ରବିବାର ୨୦୦ଟଙ୍କାର ମାଛ ନେବେ ବୋଲି ଜଣେ ବ୍ୟକ୍ତି ଗୋଟିଏ ୫୦୦ଟଙ୍କିଆ ନୋଟ ଦେଇଥିଲେ। ସୁକାନ୍ତ ତାଙ୍କୁ ୩୦୦ଟଙ୍କା ଫେରାଇଦେଇଥିଲେ। ମାତ୍ର ସେ ସେଠାରୁ ଗଲାପରେ ଦେଇଥିବା ୫୦୦ଟଙ୍କିଆ ନୋଟଟି ଜାଲ ବୋଲି ଜାଣିବାକୁ ପାଇ ଉକ୍ତ ବ୍ୟକ୍ତିଙ୍କୁ ଫୋନ କରି ଡକାଇଥିଲେ ଏବଂ ତାଙ୍କ ମନିପର୍ସ ଯାଞ୍ଚ କରିବାରୁ ଆଉ ୪ଟି ୫୦୦ଟଙ୍କିଆ ନୋଟ ମଧ୍ୟ ଜାଲ ଥିବା ଜଣାପଡିଥିଲା। ଏହାପରେ ମାଛ ବ୍ୟବସାୟୀ ସୁକାନ୍ତ ଯୋଡ଼ା ଥାନାରେ ଅଭିଯୋଗ କରିଥିଲେ। ପୋଲିସ ଏହାର ତଦନ୍ତ ଆରମ୍ଭ କରିଛି। ତେବେ ଖବର ଲେଖାହେବାବେଳକୁ ପୋଲିସ କୌଣସି ମାମଲା ରୁଜୁ କରି ନ ଥିବା ଜଣାପଡିଛି ।