ଜୁନ୍-ଜୁଲାଇରେ ଅନେକ ଥଣ୍ଡା ଦେଶରେ ମଧ୍ୟ ପ୍ରବଳ ଉତ୍ତାପ ହୋଇଥିବା ରେକର୍ଡ ରହିଛି। କାନାଡା କଥା ଯଦି କହିବା ତେବେ ଏଠାରେ ତାପମାତ୍ରା ୫୦ ଡିଗ୍ରୀରେ ପହଞ୍ଚିଛି। କେବଳ ଏତିକି ନୁହେଁ, ଏଠାରେ ଅତ୍ୟଧିକ ତାପମାତ୍ରା ଯୋଗୁ ଅନେକ ଲୋକ ପ୍ରାଣ ବି ହରାଇଛନ୍ତି। ଅଧିକ ଥଣ୍ଡା ଅଞ୍ଚଳ ସାଇବେରିଆ ସମେତ ରୁଷିଆର ଅନେକ ସ୍ଥାନରେ ମଧ୍ୟ ଏପରି ଘଟିଛି। ଏହି ଅଞ୍ଚଳଗୁଡ଼ିକର ପରିସ୍ଥିତି ଆମ ଦେଶ ଭାରତର ଗରମ ରାଜ୍ୟ ପରି ହୋଇଛି। କିନ୍ତୁ ଏମିତି କିଛି ଦେଶ ଅଛି, ଯେଉଁଠାରେ ସମସ୍ତ ପ୍ରକାର ପାଗ ଦେଖାଯାଏ। କେତେକ ଅଞ୍ଚଳରେ ଏକାସାଙ୍ଗରେ ଖରା ଏବଂ ବର୍ଷା ହୋଇଥାଏ।
ଏମିତି ଏକ ଦେଶ ହେଉଛି ନ୍ୟୁଜିଲ୍ୟାଣ୍ଡ। ଏଠାରେ ସମସ୍ତ ପ୍ରକାର ପାଗ ଦେଖିବାକୁ ମିଳେ। ଏହା ଏପରି ଏକ ଦେଶ ଯେଉଁଠି ଲୋକେ ତୁଷାରପାତକୁ ପସନ୍ଦ କରନ୍ତି। ଓ୍ବାଟର ସ୍କାଏକିଂକୁ ମଧ୍ୟ ପସନ୍ଦ କରନ୍ତି। ଏଠାରେ ବିଭିନ୍ନ ପର୍ବତ ଏବଂ ଘଞ୍ଚ ଜଙ୍ଗଲକୁ ନେଇ ଏକ ଜାତୀୟ ଉଦ୍ୟାନ ଅଛି। ସ୍ବତନ୍ତ୍ର ପ୍ରାକୃତିକ ଗଠନ ହେତୁ ଏଠାରେ ପାଗ ମଧ୍ୟ ଭିନ୍ନ। ଯେପରିକି ଉତ୍ତର ଭାଗରେ ଗ୍ରୀଷ୍ମ, ପଶ୍ଚିମ ଭାଗରେ ପର୍ବତ ହେତୁ ଶୀତ ଏବଂ ବର୍ଷା ହୋଇଥାଏ। ସେହିପରି ସ୍ପେନ୍ର ତିନି ପାର୍ଶ୍ୱରେ ସମୁଦ୍ର ରହିଛି। ଆଧୁନିକତା ସହିତ ଏହି ଦେଶରେ ଥିବା ଦ୍ୱୀପର ପ୍ରାକୃତିକ ସୌନ୍ଦର୍ଯ୍ୟ ଅତ୍ୟନ୍ତ ମନଲୋଭା। ଏଠାରେ ଗ୍ରୀଷ୍ମ ଋତୁରେ ତାପମାତ୍ରା ୨୪ ଡିଗ୍ରୀ ରହୁଥିବା ବେଳେ ଶୀତ ଦିନରେ ୧୫ ଡିଗ୍ରୀ ରହିଥାଏ। ଏପରି ଆଉ ଏକ ଦେଶ ହେଉଛି ଇଟାଲୀ। ଏଠାରେ ବିବିଧତା ଦେଖିବାକୁ ମିଳିଥାଏ। ଏଠାରେ ଅଧିକାଂଶ ପାହାଡ଼ ରହିଛି। ପାଣିପାଗ କଥା ଯଦି ହିସାବ କରିବା ତେବେ ଏହା ଦୁନିଆର ସବୁଠୁ ଭଲ ଦେଶ ବୋଲି ଧରାଯିବ।