କିମ୍ବଦନ୍ତୀ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ ହାସିମ ଆମଲା ପ୍ରଥମ ଶ୍ରେଣୀ କ୍ରିକେଟ ଇତିହାସରେ ସବୁଠାରୁ ଧୀମା ଇନିଂସ ଖେଳିଥିଲେ। ତାଙ୍କ ଇନିଂସ ଯୋଗୁଁ ସରେ କାଉଣ୍ଟି ଚାମ୍ପିଅନସିପରେ ହାମ୍ପସାୟର୍ ବିପକ୍ଷରେ ମ୍ୟାଚ ଡ୍ର କରିଥିଲେ। ଦି ରୋଜ ବୋଲ୍ ଗ୍ରାଉଣ୍ଡରେ ଦିନସାରା ବ୍ୟାଟିଂ କରି ଆମଲା ୨୭୮ ବଲରୁ ମାତ୍ର ୩୭ ରନରେ ଅପରାଜିତ ରହିଥିଲେ। ଦିନର ଖେଳ ଶେଷରେ ତାଙ୍କ ଦଳ ସରେ ୧୨୮ ରନ ସଂଗ୍ରହ କରିଥିଲା। ଆମଲାଙ୍କ ଅପରାଜିତ ୩୭ କେବଳ ଦଳକୁ ପରାଜୟରୁ ରକ୍ଷା କରିବାରେ ସାହାଯ୍ୟ କରି ନ ଥିଲା, ବରଂ ତାଙ୍କ ନାମରେ ଏକ ସ୍ବତନ୍ତ୍ର ରେକର୍ଡ ମଧ୍ୟ ରେକର୍ଡ ସୃଷ୍ଟି ହୋଇଥିଲା। ସେ ୨୭୮ ବଲର ସମ୍ମୁଖୀନ ହୋଇଥିଲେ, ପ୍ରଥମ ଶ୍ରେଣୀ କ୍ରିକେଟରେ ୪୦ରୁ କମ ସ୍କୋରରେ, ଜଣେ ବ୍ୟାଟ୍ସମ୍ୟାନ ଖେଳିଥିବା ସର୍ବାଧିକ ବଲ।
ଡାହାଣହାତୀ ବ୍ୟାଟ୍ସମ୍ୟାନ ଆମଲା ୬ ବର୍ଷ ପୂର୍ବେ ଭାରତ ବିପକ୍ଷରେ ୨୪୪ ବଲରେ ମାତ୍ର ୨୫ରନ ସଂଗ୍ରହ କରିଥିଲେ। ଏହି ସମୟରେ, ସେ ଅନ୍ୟ ପଟରୁ ଏବି ଡି ଭିଲିୟର୍ସଙ୍କ ସମ୍ପୂର୍ଣ୍ଣ ସମର୍ଥନ କରିଥିଲେ। ଏହା ପରେ ଡି ଭିଲିୟର୍ସ ୨୯୭ ବଲରୁ ୪୩ ରନ ସ୍କୋର କରି ଦକ୍ଷିଣ ଆଫ୍ରିକାକୁ ପରାଜୟରୁ ରକ୍ଷା କରିଥିଲେ। ଷ୍ଟମ୍ପ ପରେ ଆମଲା କହିଛନ୍ତି ଯେ, ମୁଁ ମୋର ଇନିଂସକୁ ବହୁତ ଉପଭୋଗ କରିଛି। ଆମେ ଯୋଜନା କରିଥିଲୁ ଯେ ଆମେ ଯଥାସମ୍ଭବ ବଲ ଖେଳିବୁ। ଆମେ ଜାଣି ନ ଥିଲୁ ଯେ ମ୍ୟାଚର ଏହି ଫଳାଫଳ ବାହାରକୁ ଆସିବ। କିନ୍ତୁ ଆମେ ଆମର ପ୍ରଦର୍ଶନକୁ ନେଇ ଖୁସି। ଆମଲା ତାଙ୍କର ପ୍ରଥମ ୧୦୦ ବଲରେ ମାତ୍ର ୩ ରନ ସଂଗ୍ରହ କରିଥିଲେ। ଆମଲାଙ୍କ ଏହି ଇନିଂସକୁ ସାରା ବିଶ୍ୱରେ ମଧ୍ୟ ସଲାମ କରାଯାଉଛି। କାରଣ ଆମଲା ଦଳକୁ ପରାଜୟ ସ୍ଥିତିରୁ ରକ୍ଷା କରି ଏଭଳି ଇନିଂସ ଖେଲିଥିଲେ।
