ସ୍ବାମୀ-ସ୍ତ୍ରୀ ସମ୍ପର୍କ ସ୍ବତନ୍ତ୍ର ହୋଇଥାଏ। ସେମାନଙ୍କ ମଧ୍ୟ ଛୋଟ-ବଡ ଝଗଡା ହେଲେ ମଧ୍ୟ ପରସ୍ପରକୁ ବୁଝଇ ଉଭୟ ସଂସାର ରଥ ଆଗକୁ ନେଇଛନ୍ତି। ସୋସିଆଲ ମିଡିଆରେ ଏହିପରି ଅନେକ ଦମ୍ପତିଙ୍କ ଭିଡିଓ ଭାଇରାଲ ହୁଏ। ନିକଟରେ ଇନଷ୍ଟାଗ୍ରାମରେ ଏକ ଦମ୍ପତିଙ୍କର ଏକ ମଜାଦାର ଭିଡିଓ ଭାଇରାଲ ହୋଇଛି। ଏହି ଭିଡିଓରେ ସ୍ବାମୀ ରୋଷେଇ ଘରର ସିଙ୍କରେ ରଖାଯାଇଥିବା ବାସନଗୁଡିକ ଧୋଉଥିବାର ନଜର ଆସିଛନ୍ତି। ଏହା ପରେ ସେ ରୋଷେଇ ଘର ମଧ୍ୟ ସଫା କରୁଛନ୍ତି। ଭିଡିଓ ଦେଖି ଏହା ସ୍ପଷ୍ଟ ହୋଇଛି ଯେ ତାଙ୍କ ସ୍ତ୍ରୀ ଘରେ ନାହାଁନ୍ତି। ସ୍ତ୍ରୀ ଆସିବା ପୂର୍ବରୁ ସେ ସମସ୍ତ କାମ ସାରି ବସିଛନ୍ତି। ସେ ଭାବୁଛନ୍ତି ଯେ, ସ୍ତ୍ରୀ ଆସିବା ମାତ୍ରେ ରୋଷେଇ ଘର ସଫା ଦେଖି ଖୁସି ହେବେ। ସମସ୍ତ କାର୍ଯ୍ୟ ସମାପ୍ତ କରିବା ପରେ ସ୍ବାମୀ ସୋଫାରେ ବସି ସ୍ତ୍ରୀଙ୍କୁ ଅପେକ୍ଷା କରନ୍ତି ଏବଂ ମଝିରେ ମଝିରେ କବାଟ ପାଖରେ ଠିଆ ହୋଇ ତାଙ୍କୁ ଖୋଜନ୍ତି। ତା’ପରେ ସେ ନିଜ ସ୍ତ୍ରୀଙ୍କ ସ୍ବର ଶୁଣନ୍ତି । ସ୍ତ୍ରୀ ବାହାରେ ଥାଇ ସ୍ବାମୀଙ୍କୁ ପାଟି କରି ପଚାରନ୍ତି ତୁମେ ସତରେ ଏପର୍ଯ୍ୟନ୍ତ ଅଳିଆ ଫିଙ୍ଗି ନାହଁ କି? ଏହା ଶୁଣି ସ୍ବାମୀ ନିଜ ମୁଣ୍ଡରେ ହାତ ଦିଅନ୍ତି। ଏହି ମଜାଳିଆ ଭିଡିଓକୁ ଏପର୍ଯ୍ୟନ୍ତ ୧ ମିଲିୟନରୁ ଅଧିକ ଲୋକ ଦେଖିସାରିଛନ୍ତି।