ପାଟଣା,୧୮।୧୨(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ନିହ୍ନୁଆ ନିକଟରେ ଗତ ଡିସେମ୍ବର ୫ତାରିଖ ରାତ୍ରିରେ ଜଣେ ମଦ୍ୟପ ଟ୍ରକ୍ ଚାଳକ ବେପରୁଆ ଭାବେ ଗାଡି ଚାଳନା କରୁଥିବା ବେଳେ ଥାନା ଏଏସ୍ଆଇ ଦେବେନ୍ଦ୍ର ମୁର୍ମୁ ଙ୍କ ହାତରେ ଧରା ପଡ଼ିଥିଲେ। ନିଶାସକ୍ତ ଭାବେ ବେପରୱାଭାବେ ଗାଡ଼ି ଚାଳନା କରୁଥିବାରୁ ଜେଏମଏଫସି କେନ୍ଦୁଝର ମଙ୍ଗଳବାର ଉକ୍ତ ଟ୍ରକ ଚାଳକଙ୍କୁ ୧୦ହଜାର ୫ଶହ ଟଙ୍କା ଜରିମାନା କରିଛନ୍ତି। ଅଭିଯୁକ୍ତ ଜଣକ ହେଉଛନ୍ତି କେନ୍ଦୁଝର ଜିଲା ଘଟଗାଁ ଥାନା ସାନ୍ତରାପୁର ଗ୍ରାମର ନନ୍ଦକିଶୋର ମୁଣ୍ଡା। ଏନେଇ ତୁରୁମୁଙ୍ଗା ଥାନାରେ ସେକ୍ସନ ୨୮୧ ବି ଏନଏସଓ୧୮୫ ଏମଭି ଆକ୍ଟରେ ମାମଲା ରୁଜୁ ହୋଇଥିଲା। ତୁରୁମୁଙ୍ଗା ଥାନା ରେ ୩୨୪/୨୪ରେ ଏକ ମାମଲା ରୁଜୁ କରି ଘଟଣାର ବିରେନ୍ଦ୍ର କିଶୋର ବେହେରା ତଦନ୍ତ କରିଥିଲେ। ଗତ ୧୫ ତାରିଖରେ କୋର୍ଟରେ ଚାର୍ଜସିଟ ଦାଖଲ କରିବା ପରେ ମାତ୍ର ୨ଦିନ ମଧ୍ୟରେ କେନ୍ଦୁଝର ଜେଏମସିଏଫ କୋର୍ଟ ବିଚାରପତି ମାମଲାର ତ୍ୱରିତ ବିଚାର କରି ଗାଡ଼ି ଚାଳକଙ୍କୁ ଦୋଷୀ ସାବ୍ୟସ୍ତ କରିବା ସହ ୧୦ହଜାର ୫ଶହ ଟଙ୍କା ଜରିମାନା ଆଦେଶ ଦେଇଛନ୍ତି।