ନୂଆଦିଲ୍ଲୀ, ୬।୩: ଦିଲ୍ଲୀ ମଦ ନୀତି ମାମଲାରେ ଗିରଫ ହୋଇଥିବା ଏଏପି ନେତା ମନୀଷ ସିସୋଡିଆଙ୍କୁ ପୁଣିଥରେ କୋର୍ଟ ୧୪ ଦିନ ପାଇଁ ନ୍ୟାୟିକ ହେପାଜତରେ ପଠାଇଛନ୍ତି। ସେ ମାର୍ଚ୍ଚ ୨୦ ପର୍ଯ୍ୟନ୍ତ ତିହାର ଜେଲରେ ରହିବେ। ଜେଲ ଭିତରେ ତାଙ୍କୁ ଭାଗବତ ଗୀତା,ଡାଏରୀ, ପେନ୍ ଏବଂ ଔଷଧ ବ୍ୟବହାର କରିବାକୁ ଅନୁମତି ମିଳିଛି। ସେହିପରି ସିସୋଡିଆ ମେଡିଟେଶନ ସେଲରେ ରହିବା ପାଇଁ ଅନୁମତି ଦିଆଯାଉ ବୋଲି ମନୀଷ ସିସୋଡିଆଙ୍କ ପକ୍ଷରୁ ଏକ ଦାବି କରାଯାଇଥିଲା। ତେବେ ସେ କରିଥିବା ଆବେଦନ ଉପରେ ବିଚାର କରିବାକୁ କୋର୍ଟ ଜେଲ କର୍ତ୍ତୃପକ୍ଷଘଙ୍କୁ ପରାମର୍ଶ ଦେଇଛନ୍ତି।
ସିବିଆଇ ଫେବୟାରୀ ୨୬ରେ ସିସୋଡିଆଙ୍କୁ ଗିରଫ କରିଥିଲା। ଏହାପରେ ପ୍ରଥମେ ତାଙ୍କୁ ୫ଦିନ ଓ ପରେ ୨ ଦିନ ରିମାଣ୍ଡରେ ନେଇ ଜେରା କରିଥିଲା। ଆଜି ଦ୍ୱିତୀୟ ଦିନର ରିମାଣ୍ଡ ଅବଧି ସରୁଥିବାରୁ ସିସୋଡିଆଙ୍କୁ କୋର୍ଟରେ ହାଜର କରାଯାଇଥିଲା। ତେବେ ସିବିଆଇ ପକ୍ଷରୁ ରିମାଣ୍ଡ ପାଇଁ ଆବେଦନ ନ କରିବାରୁ କୋର୍ଟ ତାଙ୍କୁ ତିହାର ଜେଲକୁ ପଠାଇ ଦେଇଛନ୍ତି।