ନୟାଗଡ଼ ଅଫିସ/ରଣପୁର,୯।୧୧(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନା ଖତିଆ ଗଁାରେ କଙ୍ଗାରୁ କୋର୍ଟ ନେଇଛି ଜଣେ ଯୁବକଙ୍କ ଜୀବନ। ମୃତ ଯୁବକ ହେଲେ ସୁନନ୍ଦ ବେହେରା(୩୫)। ଅନ୍ୟପକ୍ଷେ ଡାକ୍ତରଙ୍କ ଯୋଗୁ ଗଁାରେ କଙ୍ଗାରୁ କୋର୍ଟ ବସିଥିଲା। ସେହି କୋର୍ଟରେ ଦଣ୍ଡ ମିଳିବା ପରେ ସ୍ବାମୀ ଆମତ୍ହତ୍ୟା କରିଛନ୍ତି ବୋଲି ମୃତକଙ୍କ ସ୍ତ୍ରୀ ରଣପୁର ଥାନାରେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା(ନଂ.୨୩୬/୨୧) ରୁଜୁ କରି ତଦନ୍ତ ଆରମ୍ଭ କରିଛି। ସୋମବାର ମୃତଦେହକୁ ଜବତ କରି ବ୍ୟବଚ୍ଛେଦ କରାଇବା ପରେ ପୋଲିସ ପରିବାର ଲୋକଙ୍କୁ ହସ୍ତାନ୍ତର କରିଛି।
ସୁନନ୍ଦଙ୍କ ସ୍ତ୍ରୀ ଗୀତାଞ୍ଜଳି ବେହେରାଙ୍କ ଅଭିଯୋଗ ଅନୁଯାୟୀ, ସ୍ବାମୀ ସୁନନ୍ଦ ନିଜର ଜଣେ ସମ୍ପର୍କୀୟଙ୍କୁ ନେଇ ଶନିବାର ଦର୍ପନାରାୟଣପୁର ସ୍ବାସ୍ଥ୍ୟକେନ୍ଦ୍ରକୁ ଯାଇଥିଲେ। ସେଠାରେ ଡାକ୍ତର ଥିଲେ ମଧ୍ୟ ସେବା ମିଳି ନ ଥିଲା। ଡାକ୍ତର ମିଟିଂ ଅଛି କହି ରୋଗୀ ଦେଖି ନ ଥିଲେ। ସୁନନ୍ଦ ଏଥିପାଇଁ ଡାକ୍ତରଖାନାରେ ପାଟିତୁଣ୍ଡ କରି ରୋଗୀଙ୍କୁ ଫେରାଇ ଆଣିଥିଲେ। ତେବେ ଘଟଣା ସମ୍ପର୍କରେ ଡାକ୍ତର ପୋଲିସକୁ ନ ଜଣାଇ ଗଁା ସଭାପତିଙ୍କୁ ଜଣାଇଥିଲେ। ଗଁା ସଭାପତିଙ୍କ ତାଗିଦ୍ ଅନୁସାରେ ସୁନନ୍ଦ ଭୁଲ ମାଗିବାକୁ ଡାକ୍ତରଙ୍କ ପାଖକୁ ଶନିବାର ଯାଇଥିଲେ। ହେଲେ ଡାକ୍ତରଙ୍କ ସାକ୍ଷାତ ନ ପାଇବାରୁ ଫେରି ଆସିଥିଲେ। ରବିବାର ଫୋନ ଯୋଗେ ଡାକ୍ତରଙ୍କୁ ଭୁଲ ମାଗିଥିଲେ। ଭୁଲ ମାଗିବା ପରେ ବି ସୁନନ୍ଦଙ୍କୁ କଙ୍ଗାରୁ କୋର୍ଟ ବସାଇ ୮ ହଜାର ଜରିମାନା ଦେବାକୁ ବାଧ୍ୟ କରାଯାଇଥିଲା। ଏଥିରେ ସୁନନ୍ଦ ମାନସିକ ଭାରସାମ୍ୟ ହରାଇ ସୋମବାର ଆମତ୍ହତ୍ୟା କରିଥିବା ଗୀତାଞ୍ଜଳି ଅଭିଯୋଗ କରିଛନ୍ତି। ଏନେଇ ରଣପୁର ଥାନା ଆଇଆଇସି ଜ୍ୟୋତି ପ୍ରକାଶ ପଣ୍ଡା କୁହନ୍ତି, ଘଟଣାର ତଦନ୍ତ ଆରମ୍ଭ ହୋଇଛି। ଗଁାର ସଭାପତି ଓ ଡାକ୍ତର କ’ଣ ପାଇଁ ଏ ସଂକ୍ରାନ୍ତରେ ପୋଲିସକୁ ଜଣାଇଲେ ନାହିଁ ତାର ଅନୁଧ୍ୟାନ ଚାଲିଛି। ରିପୋର୍ଟ ମିଳିବା ପରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ସେ କହିଛନ୍ତି।