ନୂଆଦିଲ୍ଲୀ,୨୫।୨: କିମ୍ବଦନ୍ତୀ ଟେନିସ ଷ୍ଟାର୍ ଲିଆଣ୍ଡର୍ ପେସଙ୍କୁ ଲାଗିଛି ଝଟ୍କା। ୨୦୧୪ରେ ତାଙ୍କ ବିରୋଧରେ ପୂର୍ବତନ ପାର୍ଟନର୍ ତଥା ଅଭିନେତ୍ରୀ ରିୟା ପିଲ୍ଲାଇ ଘରୋଇ ହିଂସା ଅଭିଯୋଗ ଆଣିଥିଲେ। ଏହି ମାମଲାରେ କୋର୍ଟଙ୍କ ରାୟ ରିୟାଙ୍କ ସପକ୍ଷରେ ଯାଇଥିବା ବେଳେ ପେସଙ୍କ ଅଡୁଆ ବଢ଼ିଛି।
ପିଲ୍ଲାଇ କରିଥିବା ମାମଲାର ଏକ ମେଟ୍ରୋପଲିଟାନ ମାଜିଷ୍ଟ୍ରେଟ କୋର୍ଟ ଶୁଣାଣି କରିଥିଲେ। ଏଥିରେ ରିୟାଙ୍କ ବିରୋଧରେ ପେସ ବିଭିନ୍ନ ଘରୋଇ ହିଂସା କରିଥିବା ସ୍ପଷ୍ଟ ହୋଇଛି। ଯଦି ରିୟା ନିଜ ଅଲଗା ରହିବାକୁ ଚାହୁଛନ୍ତି, ତାହେଲେ ପେସ ତାଙ୍କୁ ମାସିକ ଭରଣପୋଷଣ ପାଇଁ ୧ ଲକ୍ଷ ଟଙ୍କା ବ୍ୟତୀତ ଭରଣପୋଷଣ ପାଇଁ ୫୦ ହଜାର ଟଙ୍କା ପ୍ରଦାନ କରିବେ। ଯଦି ପିଲାଇ ନିଜ ପାର୍ଟନର୍ ପେସଙ୍କ ସହ ରହିବାକୁ ଚାହୁଁଛନ୍ତି, ତାହେଲେ ତାଙ୍କୁ ଭଡ଼ା ପାଇଁ ପ୍ରାପ୍ୟ ମିଳିବ ନାହିଁ।
ପେସଙ୍କ ସହ ଲିଭ ଇନ ରିଲେସନରେ ରହୁଥିଲେ ପିଲ୍ଲାଇ। ପେସ ତାଙ୍କ ସହ ୮ ବର୍ଷ ଧରି ଲିଭ-ଇନ ରିଲେସନରେ ରହୁଥିଲେ। ୨୦୧୪ରେ ଘରୋଇ ହିଂସାରୁ ସୁରକ୍ଷା ଦେବା ପାଇଁ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ମାଜିଷ୍ଟ୍ରେଟ ମଧ୍ୟ ପ୍ରତିପକ୍ଷ ବିଭିନ୍ନ ଘରୋଇ ହିଂସାକାଣ୍ଡ ଘଟାଇଥିବା ପ୍ରମାଣିତ ହୋଇଛି ବୋଲି ତାଙ୍କ ନିର୍ଦ୍ଦେଶରେ କହିଛନ୍ତି।