ଇସଲାମାବାଦ,୧୬।୩ : ଗିରଫଦାରୀରୁ ରକ୍ଷା ପାଇଁ ପାକିସ୍ତାନୀ କୋର୍ଟ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସମ୍ମୁଖରେ ସର୍ତ୍ତ ରଖିଛନ୍ତି। ତୋସାଖାନା ମାମଲାର ଶୁଣାଣି ସମୟରେ ଅତିରିକ୍ତ ଜିଲା ତଥା ସେସନ୍ସ କୋର୍ଟ ବିଚାରପତି କହିଛନ୍ତି ଯେ ଯଦି ଇମ୍ରାନ ଖାନ କୋର୍ଟରେ ଆତ୍ମସମର୍ପଣ କରନ୍ତି ତେବେ ସେ ପୋଲିସକୁ ଗିରଫ କରିବାକୁ ନିର୍ଦ୍ଦେଶ ଦେବେ ନାହିଁ। ଏହା ସହିତ ସେ କୌଣସି ରାଲି ମଧ୍ୟ କରିବେନି ବୋଲି କୋର୍ଟ ସର୍ତ୍ତ ରଖିଛନ୍ତି।
ପାକିସ୍ତାନୀ ଖବରକାଗଜ ଡନ ରିପୋର୍ଟ ଅନୁଯାୟୀ ଜଜ ଜାଫର ଇକବାଲ ପାକିସ୍ତାନର ନିର୍ବାଚନ ଆୟୋଗ (ଇସିପି) ଙ୍କ ଆବେଦନ ଶୁଣିବାବେଳେ ଏହା କହିଛନ୍ତି। ତୋସାଖାନା ମାମଲାରେ ଇମ୍ରାନ ଖାନାଙ୍କ ବିରୋଧରେ ଅପରାଧିକ କାର୍ଯ୍ୟାନୁଷ୍ଠାନ ନିଆଯାଉଛି।
ଅନ୍ୟପକ୍ଷରେ ଲାହୋର ହାଇକୋର୍ଟ ରବିବାର ଦିନ ଇକବାଲ ପାର୍କରେ ଅନୁଷ୍ଠିତ ହେବାକୁ ଥିବା ପିଟିଆଇ ରାଲି ଉପରେ ପ୍ରତିବନ୍ଧକ ଲଗାଇଛନ୍ତି। କୋର୍ଟ କହିଛନ୍ତି ଯେ ନାଗରିକମାନଙ୍କୁ ସେମାନଙ୍କର ସାଧାରଣ ଜୀବନଯାପନ କରିବାକୁ ଦିଅନ୍ତୁ। ମାର୍ଚ୍ଚ ୧୯ ରେ ଲାହୋରର ମିନାର-ଇ-ପାକିସ୍ଥାନରେ ପିଟିଆଇ ଏକ ଐତିହାସିକ ରାଲି ଆୟୋଜନ କରିବାକୁ ଯୋଜନା କରିଥିଲା। ଏହି ରାଲିରେ ଇମ୍ରାନ ଖାନ ନେତୃତ୍ୱ ନେବାର ଥିଲା।
