ମହାମାରୀ କରୋନା ସମଗ୍ର ବିଶ୍ୱରେ କାୟା ବିସ୍ତାର କରିଚାଲିଛି। ଦିନକୁ ଲକ୍ଷ ଲକ୍ଷ ଲୋକ ଏଥିରେ ଆକ୍ରାନ୍ତ ହେଉଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି। ତେଣୁ କରୋନାକୁ ନେଇ ଲୋକଙ୍କ ମନରେ ଅଧିକ ଭୟ ରହିବା ସୁନିଶ୍ଚିତ। ତେବେ ଯେଉଁମାନଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି ଅଧିକ ରହିଥାଏ ସେମାନେ ଏଥିରେ ବିଜୟୀ ହେଉଛନ୍ତି। କରୋନାକୁ ନେଇ ସମଗ୍ର ବିଶ୍ୱରେ ବିଶେଷଜ୍ଞମାନେ ପରୀକ୍ଷା ଚଲାଇଛନ୍ତି। ଏହାକୁ ନେଇ ସବୁବେଳେ କିଛି ନା କିଛି ନୂଆ କଥା ସମ୍ମୁଖକୁ ଆସୁଛି। କେହି କେହି ଏହି ଜୀବାଣୁର ନୂତନ ଲକ୍ଷଣ ବାହାର କରୁଥିବା ବେଳେ ଆଉ କେହି ଏହା ବ୍ୟାପିବାର ନୂଆ ପଦ୍ଧତି ବିଷୟରେ କହୁଛନ୍ତି। ତେବେ ଏପରି ୪ ପ୍ରକାର ଲୋକଙ୍କୁ କରୋନା ହେଲେ ସେମାନଙ୍କ ମୃତ୍ୟୁ ସୁନିଶ୍ଚିତ ବୋଲି ବିଶେଷଜ୍ଞମାନେ ଜାଣିବାକୁ ପାଇଛନ୍ତି।
ଦକ୍ଷିଣ କୋରିଆର ୟେଙ୍ଗନାମ୍ ୟୁନିଭର୍ସିଟି ମେଡିକାଲ ସେଣ୍ଟରର ପ୍ରଫେସରମାନେ ୧୧୦ଜଣ କରୋନା ରୋଗୀଙ୍କୁ ନେଇ ଏକ ଗବେଷଣା କରିଛନ୍ତି। ଫେବୃୟାରୀ ୧୯ରୁ ଅପ୍ରେଲ ୧୫ ମଧ୍ୟରେ କରୋନାରେ ଆକ୍ରାନ୍ତ ହୋଇ ଚିକିତ୍ସା ପାଇଁ ହସ୍ପିଟାଲକୁ ଆସୁଥିବା ବ୍ୟକ୍ତିଙ୍କୁ ନେଇ ଏହି ପରୀକ୍ଷା ହୋଇଛି। ଏହି ରୋଗୀଙ୍କୁ ନେଇ ବିଶେଷଜ୍ଞମାନେ ଏକ ମାନଦଣ୍ଡ ସ୍ଥିର କରିଛନ୍ତି। ଯେଉଁମାନଙ୍କ ନିକଟରେ ଏହି ୪ଟି ଲକ୍ଷଣ ଦେଖାଦେଇଛି ସେମାନଙ୍କ ମୃତ୍ୟୁ ଘଟିଛି।
ଏମାନଙ୍କ ମଧ୍ୟରେ ପ୍ରଥମେ ଆସୁଛନ୍ତି ଡାଇବେଟିସ ରୋଗୀ। ଏହି ରୋଗୀଙ୍କୁ କରୋନା ହେଲେ ସେମାନଙ୍କ ବଞ୍ଚିବା କଷ୍ଟକର। ବର୍ତ୍ତମାନ ପର୍ଯ୍ୟନ୍ତ କରୋନାରେ ଆକ୍ରାନ୍ତ ହୋଇ ମୃତ୍ୟୁ ଘଟିଥିବା ଅଧିକାଂଶ ଲୋକ ଡାଇବେଟିସ ତଥା ମଧୁମେହରେ ପୀଡିତ ବୋଲି ଜଣାପଡ଼ିଛି।
ଦ୍ୱିତୀୟରେ ଆସୁଛନ୍ତି ଶରୀରରେ ଅଧିକ ତାପମାତ୍ରା ରହୁଥିବା ବ୍ୟକ୍ତି। ଏମାନଙ୍କୁ କରୋନା ହେଲେ ମୃତ୍ୟୁ ସୁନିଶ୍ଚିତ ବୋଲି ବୈଜ୍ଞାନିକମାନେ ଜାଣିବାକୁ ପାଇଛନ୍ତି।
ତୃତୀୟ ବ୍ୟକ୍ତି ହେଲେ ଯେଉଁମାନଙ୍କ ଶରୀରରେ ଅମ୍ଳଜାନର ଅଭାବ ଥାଏ। କରୋନାର ଏକ ଲକ୍ଷଣ ହେଉଛି ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବା। ଯେଉଁମାନଙ୍କ ଶରୀରରେ ଅମ୍ଳଜାନର ଅଭାବ ରହିଛି ସେମାନଙ୍କୁ କରୋନା ହେଲେ ମୃତ୍ୟୁ ସୁନିଶ୍ଚିତ।
ଶେଷ ସମସ୍ୟା ହେଲା ହୃଦ୍ଘାତ। ଯଦି କୌଣସି ବ୍ୟକ୍ତି ପୂର୍ବରୁ ହାର୍ଟ ସମ୍ବନ୍ଧୀୟ ରୋଗରେ ଆକ୍ରାନ୍ତ ଥିବେ ସେମାନଙ୍କୁ କରୋନା ହେଲେ ମୃତ୍ୟୁ ସୁନିଶ୍ଚିତ ବୋଲି ବିଶେଷଜ୍ଞମାନେ ଜାଣିବାକୁ ପାଇଛନ୍ତି।