ନୂଆଦିଲ୍ଲୀ,୨୪।୫: ରଷିଆନ୍ ଡାଇରେକ୍ଟ ଇନ୍ଭେଷ୍ଟମେଣ୍ଟ ଫଣ୍ଡ୍ (ଆର୍ଡିଆଇଏଫ୍) ଏବଂ ଭାରତୀୟ ଔଷଧ କମ୍ପାନୀ ପାନାସିଆ ବାୟୋଟେକ୍ ଦେଶରେ ସ୍ପୁଟ୍ନିକ ଭି କୋଭିଡ୍ ଟିକା ଉତ୍ପାଦନ ଆରମ୍ଭ କରିଥିବା ସୋମବାର ଘୋଷଣା କରିଛନ୍ତି। ହିମାଚଳପ୍ରଦେଶର ବଦ୍ଦିଠାରେ ପାନାସିଆ ବାୟୋଟେକ୍ କାରଖାନାରୁ ପ୍ରଥମ ପର୍ଯ୍ୟାୟ ଟିକା ଉତ୍ପାଦନ ହୋଇଛି। ମାନ ନିୟନ୍ତ୍ରଣ ଲାଗି ଖୁବ୍ଶୀଘ୍ର ଏହାକୁ ରୁଷିଆର ଗାମାଲେୟା ସେଣ୍ଟରକୁ ପଠାଯିବ। ପରେ ଫୁଲ ସ୍ପିଡ୍ରେ ଉତ୍ପାଦନ ଆରମ୍ଭ ହେବ ବୋଲି ଆର୍ଡିଆଇଏଫ୍ ଏବଂ ପାନାସିଆ ବାୟୋଟେକ୍ ପକ୍ଷରୁ ମିଳିତ ଏକ ବିବୃତିରେ ସୂଚନା ଦିଆଯାଇଛି। ପୂର୍ବ ଘୋଷଣା ଅନୁଯାୟୀ ଉକ୍ତ କମ୍ପାନୀ ବାର୍ଷିକ ୧୦ କୋଟି ସ୍ପୁଟ୍ନିକ୍ ଭି ଡୋଜ୍ ଉତ୍ପାଦନ କରିବ।