ଲଣ୍ଡନ,୬ ।୧୨: କରୋନା ଭାଇସରଠାରୁ ଦୂରେଇ ରହିବାକୁ ବିଶ୍ୱବାସୀଙ୍କୁ ଖୁବ୍ଶୀଘ୍ର ଏହାର ଭ୍ୟାକ୍ସିନ ମିଳିଯିବ ବୋଲି କୁହାଯାଉଛି । ହେଲେ ଏହା ସାଧାରଣ ଜନତାଙ୍କ ପାଖରେ ପହଞ୍ଚିବା ଏତେ ସହଜ ମନେ ହେଉନାହିଁ । ଇତିମଧ୍ୟରେ ଇଣ୍ଟରନ୍ୟାଶନାଲ ପୋଲିସ ଅର୍ଗାନାଇଜେଶନ ବା ଅନ୍ତର୍ଜାତୀୟ ଆପରାଧିକ ପୋଲିସ ସଙ୍ଗଠନ(ଇଣ୍ଟରପୋଲ) ସତର୍କ କରିଛି ଯେ କରୋନା ଭ୍ୟାକ୍ସିନ ଉପରେ ଅପରାଧି ସଙ୍ଗଠନର ନଜର ରହିଛି । ଆଉ ଏହି ସଙ୍ଗଠନ ଭ୍ୟାକ୍ସିନ ସପ୍ଲାଇରେ ବାଧା ସୃଷ୍ଟି କରିପାରନ୍ତି । ଏହାକୁ ନେଇ ଇଣ୍ଟରପୋଲ ଏଜେନ୍ସି ଏକ ଅରେଞ୍ଜ ନୋଟିସ ଜାରି କରିଛି । ଯାହା ସାର୍ବଜନିକ ଭାବେ ଏକ ଗମ୍ଭିର ଓ ସମ୍ଭାବ୍ୟ ଅସୁବିଧା ସମ୍ପର୍କରେ ସୂଚାଇ ଦେଉଛି । ଇଣ୍ଟରପୋଲ କହିଛି ଅପରାଧି ସଙ୍ଗଠନ କୋଭିଡ-୧୯ ଟିକାର ନକଲି ଟିକା ପ୍ରସ୍ତୁତ କରିପାରନ୍ତି ଅଥବା ଏହାକୁ ଚୋରୀ କରିବାକୁ ଚେଷ୍ଟା କରିପାରନ୍ତି । ଏବେ ଏହି ଟିକା ସେମାନଙ୍କ ପାଇଁ ‘ଗୋଲଡେନ୍ ଲିକ୍ୱିଇଡ’ ସଦୃଶ । ୧୯୪ ସଦସ୍ୟ ଦେଶର ଏଜେନ୍ସି ଇଣ୍ଟରପୋଲ ବୁଧବାର ଏହାକୁ ନେଇ ଏକ ଅରେଞ୍ଜ ନୋଟିସ ଜାରି କରି ଲୋକଙ୍କୁ ସତର୍କ ରହିବାକୁ କହିଛି । ତେବେ ଆସନ୍ତା ମାସରୁ ଧୀରେ ଧୀରେ ବିଦେଶ ଯାତ୍ରା ଆରମ୍ଭ କରାଯିବ । ଏହି ସମୟରେ ଅପରାଧି ସଙ୍ଗଠନ ପକ୍ଷରୁ ନକଲି ଟିକା ଅଥବା କରୋନା ଭାଇରସ ପରୀକ୍ଷଣର ଚେତାବନୀ ଦିଆଯାଇପାରେ । ଇଣ୍ଟରପୋଲର ମହାସଚିବ କହିଛନ୍ତି ଟିକାର ନକଲି ଅଥବା ଚୋରୀ ପାଇଁ ଆମେ ସର୍ବଦା ପ୍ରସ୍ତୁତ ରହିଛି ।
