ବ୍ୟାଙ୍କକ୍,୭।୩ : କୋଭିଡ୍ ମହାମାରୀ ତୃତୀୟ ବର୍ଷରେ ପହଞ୍ଚତ୍ଥିବାବେଳେ ରବିବାର ରାତି ସୁଦ୍ଧା ବିଶ୍ୱରେ ମୃତ୍ୟୁସଂଖ୍ୟା ୬୦ ଲକ୍ଷ ଅତିକ୍ରମ କରିଛି। ଆମେରିକାରେ କୋଭିଡ୍ ମୃତ୍ୟୁସଂଖ୍ୟା ୧୦ ଲକ୍ଷ ନିକଟବର୍ତ୍ତୀ ହୋଇଛି। ଓ୍ବାଲେର୍ଡାମିଟର ଅନୁଯାୟୀ ରବିବାର ରାତି ସୁଦ୍ଧା ବିଶ୍ୱରେ କୋଭିଡ୍ ମୃତ୍ୟୁସଂଖ୍ୟା ୬୦,୧୭,୫୫୯ରେ ପହଞ୍ଚତ୍ଛି। ଆମେରିକାରେ ସର୍ବାଧିକ ୯,୮୩,୯୧୨ ଲୋକଙ୍କ ଜୀବନ ଯାଇଥିବାବେଳେ ବ୍ରାଜିଲରେ ୬,୫୧,୯୮୮ ଏବଂ ଭାରତରେ ୫,୧୫,୦୬୩ ଜଣଙ୍କ ମୃତ୍ୟୁ ଘଟିଛି। ଜନ୍ସ ହପ୍କିନ୍ସ ୟୁନିଭର୍ସିଟିର ହିସାବ ଅନୁଯାୟୀ ରବିବାର ସକାଳ ସୁଦ୍ଧା କୋଭିଡ୍ ଜନିତ ମୃତ୍ୟୁସଂଖ୍ୟା ୫୯,୯୬,୮୮୨ ରହିଥିଲା।
ଏବେ ସଂକ୍ରମଣ କମିଥିବାବେଳେ ଅନେକେ ମାସ୍କ ପିନ୍ଧିବା ଛାଡ଼ିଦେଲେଣି। ଯାତ୍ରୀ ପରିବହନ ଓ ବ୍ୟବସାୟ ସ୍ବାଭାବିକ ହୋଇଛି। ପ୍ରଶାନ୍ତ ମହାସାଗରୀୟ ଦ୍ୱୀପ ଦେଶଗୁଡ଼ିକରେ ଆଇସୋଲେଶନ ଯୋଗୁ ଦୁଇବର୍ଷରୁ ଊର୍ଦ୍ଧ୍ୱ ସେଗୁଡ଼ିକ ମହାମାରୀରୁ ସୁରକ୍ଷିତ ରହିଥିଲା। ଅଧିକ ସଂକ୍ରାମକ ଓମିକ୍ରନ୍ ଭାରିଆଣ୍ଟ ଯୋଗୁ ଏବେ ସେଠାରେ ସଂକ୍ରମଣ ବଢ଼ିଚାଲିଛି। ହଂକଂରେ ମୃତ୍ୟୁସଂଖ୍ୟା ବଢ଼ୁଥିବାବେଳେ ଚଳିତ ମାସରେ ସେଠାର ମୋଟ ୭୫ ଲକ୍ଷ ଲୋକଙ୍କୁ ୩ ଥର ଲେଖାଏ କୋଭିଡ୍ ପରୀକ୍ଷା କରାଇବାକୁ ନିଷ୍ପତ୍ତି ହୋଇଛି। ପୋଲାଣ୍ଡ, ହଙ୍ଗେରି, ରୋମାନିଆ ଏବଂ ପୂର୍ବ ୟୁରୋପୀୟ ଦେଶଗୁଡ଼ିକରେ ମୃତ୍ୟୁ ହାର ଅଧିକ ରହିଛି।