ନୂଆଦିଲ୍ଲୀ,୩।୫: ଆଜି ଖେଳାଯିବାକୁ ଥିବା କୋଲକାତା ନାଇଟ ରାଇଡର୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଆଇପିଏଲର ୩୦ତମ ମ୍ୟାଚ ସ୍ଥଗିତ ହୋଇପାରେ। କେକେଆରର ଅନେକ ଖେଳାଳି ଜ୍ୱରରେ ପୀଡିତ ଅଛନ୍ତି। ଦୁଇ ଖେଳାଳିଙ୍କ କରୋନା ରିପୋର୍ଟ ପଜିଟିଭ୍ ଆସିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ପାଟ କମିନ୍ସଙ୍କ ସମେତ କୋଲକାତା ଦଳର ଅନେକ ଖେଳାଳି ଏବଂ ସହାୟକ କର୍ମଚାରୀ ଅସୁସ୍ଥ ଅଛନ୍ତି। ଏହି କାରଣରୁ, ଆରସିବି ବିପକ୍ଷ ମ୍ୟାଚକୁ ସ୍ଥଗିତ ରଖାଯିବାର ସମ୍ଭାବନା ସୃଷ୍ଟି ହୋଇଛି।
ଏହି ସିଜିନରେ କୋଲକାତାର ପ୍ରଦର୍ଶନ ଭଲନାହିଁ। ପଏଣ୍ଟ ଟେବୁଲରେ ଦଳ ସପ୍ତମ ସ୍ଥାନରେ ରହିଛି। ଏପର୍ଯ୍ୟନ୍ତ ଖେଳାଯାଇଥିବା ୭ଟି ମ୍ୟାଚ ମଧ୍ୟରୁ କେକେଆର କେବଳ ଦୁଇଟି ଜିତିଥିବାବେଳେ ପାଞ୍ଚଟିରେ ପରାଜୟର ସମ୍ମୁଖୀନ ହୋଇଛି। ଦଳ ଗତ ଚାରିଟି ମ୍ୟାଚ ମଧ୍ୟରୁ ୩ଟି ହାରିଛି।