କରୋନା ସଂକ୍ରମଣଠାରୁ ରକ୍ଷା ପାଇଁ ସାମାଜିକ ଦୂରତ୍ୱ ନିମନ୍ତେ ଲୋକେ ଅନେକ ପ୍ରକାରର ଶୈଳୀ ଆପଣାଉଛନ୍ତି। ଏପରିକି ଲୋକେ ପରିବାକୁ ସାବୁନରେ ଧୋଇବାକୁ ମଧ୍ୟ ପଛାଉ ନାହାନ୍ତି। ସୋସିଆଲ ମିଡଆରେ ଏମିତି ଅନେକ ଭିଡିଓ ଶେୟାର ହେଉଥିବା ଦେଖିବାକୁ ମିଳୁଛି। କରୋନାରୁ ରକ୍ଷା ପାଇବା ପାଇଁ ଏବେ କୋଭିଡ୍ ଛତା ସମ୍ମୁଖକୁ ଆସିଛି। ଏହି ଭିଡିଓକୁ ହର୍ଷ ଗୋଏଙ୍କା ଶେୟାର କରିଛନ୍ତି। ଭିଡିଓରେ ଜଣେ ବୃଦ୍ଧ ଛତା ଧରି ଯାଉଥିବା ବେଳେ ସମ୍ମୁଖକୁ ଜଣେ ମହିଳା ଆସୁଛନ୍ତି। ମହିଳା ଜଣଙ୍କ ଛିଙ୍କିବାର ଅଭିନୟ କରୁଛନ୍ତି। ସଙ୍ଗେସଙ୍ଗେ ବୃଦ୍ଧ ଛତାକୁ ବନ୍ଦକରି ପୁଣିଥରେ ଖୋଲୁଛନ୍ତି। ଫଳରେ ଏକ ପ୍ଲାଷ୍ଟିକ ଚାଦରରେ ବୃଦ୍ଧ ଜଣଙ୍କ ଘୋଡ଼ି ହେଉଥିବା ଦେଖିବାକୁ ମିଳୁଛି। ଏଥିସହ ସେ ଲେଖିଛନ୍ତି, ଏହା ହେଛି କୋଭିଡ୍ ଛତା।