ବେଜିଂ,୫।୧୨: ପ୍ରଥମରୁ କୋଭିଡ-୧୯ ମନୁଷ୍ୟକୃତ ବୋଲି ପ୍ରଥମରୁ ଦାବି କରାଯାଉଥିବା ବେଳେ ଏହା ଏବେ ସତ୍ୟ ବୋଲି ପ୍ରମାଣିତ ହୋଉଥିବା ନଜର ଆସୁଛି। ବର୍ତ୍ତମାନ ଚାଇନାର ଉହାନ୍ ଲାବ୍ରେ କାମ କରୁଥିବା ଜଣେ ବୈଜ୍ଞାନିକ ଏକ ଆଶ୍ଚର୍ଯ୍ୟଜନକ ତଥ୍ୟ ପ୍ରଦାନ କରିଛନ୍ତି। ସେ କହିଛନ୍ତି, କୋଭିଡ୍ ଭୂତାଣୁ ମନୁଷ୍ୟକୃତ ଏବଂ ଏହା ଚାଇନାର ବିବାଦୀୟ ଉହାନ୍ ଲାବ୍ରୁ ଲିକ୍ ହୋଇଥିଲା। ଦୁଇବର୍ଷ ପୂର୍ବେ ଚାଇନା ପରିଚାଳିତ ଗବେଷଣା ସଂସ୍ଥା ଉହାନ ଇନ୍ଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି (ଡବ୍ଲ୍ୟୁଆଇଭି)ରୁ କୋଭିଡ୍ ଭୂତାଣୁ ଲିକ୍ ହୋଇଥିଲା ବୋଲି ଆମେରିକା ଗବେଷକ ଆଣ୍ଡ୍ର୍ୟୁ ହଫ୍ଙ୍କ ବିବୃତିକୁ ଉଦ୍ଧାର କରି ନ୍ୟୁୟର୍କ ପୋଷ୍ଟ ଖବର ପ୍ରକାଶ କରିଛି। ମହାମାରୀ ବିଶେଷଜ୍ଞ ହଫ୍ଙ୍କ ପୁସ୍ତକ ‘ ଦି ଟ୍ରୁଥ୍ ଏବାଉଟ୍ ଉହାନ’ବ୍ରିଟେନ ଟାବଲଏଡ୍ ‘ଦି ସନ୍’ରେ ପ୍ରକାଶିତ ହୋଇଛି। ଏଥିରେ ହଫ୍ ଉଲ୍ଲେଖ କରିଛନ୍ତି, ଉହାନ ଲାବ୍ରେ ଆମେରିକା ସରକାରଙ୍କ ପାଣ୍ଠିରେ କରୋନା ଭୂତାଣୁ ଉପରେ ଗବେଷଣା ଚାଲିଥିଲା।
