ଛତ୍ରପୁର,୧୭।୬(ଡି.ଏନ୍.ଏ.): କରୋନା ମହାମାରୀ ନେଇ ଲକ୍ଡାଉନ୍ ଉଠି ନ ଥିବା ବେଳେ କଟକଣା କୋହଳ ହୋଇଛି। ଏଣୁ ସମସ୍ତେ କୋଭିଡ ନିୟମ ମାନିବାକୁ ବାଧ୍ୟତାମୂଳକ ଏହାକୁ କଡାକଡି ଭାବେ ଏନ୍ଫୋର୍ସମେଣ୍ଟ କରିବାକୁ ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ସମସ୍ତ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ଗୁରୁବାର କୋଭିଡ ସ୍ଥିତି ଓ ଏହାର ମୁକାବିଲା ନେଇ ଜିଲାପାଳ ଏକ ବୈଠକ କରିଥିଲେ। ପରେ ଜିଲାପାଳ ନିଜେ ଚାଲିଚାଲି ଯାଇ ଛତ୍ରପୁର ସହରରେ ସ୍ଥିତି ପରଖିଛନ୍ତି। ଏନ୍ଏସି ନିର୍ବାହୀଅଧିକାରୀ ଏନ୍ ଗଣେଶବାବୁଙ୍କ ଉପସ୍ଥିତିରେ ଦୋକାନୀ ମାନେ ପଞ୍ଚସୂତ୍ରୀ ନିୟମକୁ ମାନିବା ସହ ଅଯଥାରେ ମାର୍କେଟକୁ ନଯିବାକୁ ଜିଲାପାଳ ପରାମର୍ଶ ଦେଇଛନ୍ତି।