ସୋସିଆଲ ମିଡିଆରେ ଏକ ଗାଈର ଚାଲିବା ଷ୍ଟାଇଲ୍ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ହସିହସି ଗଡ଼ିବେ ଆଉ କହିବେ ଏହା କେଉଁ ମଡେଲଠାରୁ ବି କମ୍ ନୁହଁ।
ଭିଡିଓରେ ଗାଈଟି ରାସ୍ତାରେ ଧୀରେ ଧୀରେ ଚାଲୁଛି। ଆଉ ବେଳେବେଳେ ଗୋଡ଼ ଏପଟ ସେପଟ ପକାଇ ଏକ ମଡେଲ ପରି ଚାଲୁଛି। ଏହାର ଚାଲି ଦେଖିଲେ କହିବେ ଷ୍ଟେଜ୍ ଉପରେ ଗାଈଟି କ୍ୟାଟ୍ଓ୍ବାକ୍ କରୁଛି।
ଭିଡିଓଟିକୁ ‘BE yound7’ ନାମକ ଜଣେ ଟୁଇଟର ବ୍ୟବହାରକାରୀ ଶେୟାର କରିଛନ୍ତି। ଭିଡିଓକୁ ଲୋକେ ଖୁବ୍ ପସନ୍ଦ କରୁଛନ୍ତି। ଗତ ୨୨ ତାରିଖରେ ଶେୟାର ହୋଇଥିବା ଏହି ଭିଡିଓଟିକୁ ବର୍ତ୍ତମାନ ସୁଦ୍ଧା ୨୭ ହଜାରରୁ ଅଧିକ ଲୋକ ଦେଖିସାରିଲେଣି। କିଛି ୟୁଜର ଭିଡିଓ ଦେଖି ନିଜର ହସ ସମ୍ଭାଳି ନ ପାରିବା କହିବା ସହ ମଜାଳିଆ କମେଣ୍ଟ ସବୁ ଦେଉଛନ୍ତି।