ଟାରୌବା, ୧୦।୯(ପି.ଟି.)- ତ୍ରିନିଦାଦ ନାଇଟ ରାଇଡର୍ସ ଓ ସେଣ୍ଟ ଲୁସିଆ ଜୌକ୍ସ ବିଜୟ ହାସଲ କରି ଚଳିତ କାରିବିୟନ ପ୍ରିମିୟର ଲିଗ୍(ସିପିଏଲ)ର ଫାଇନାଲରେ ପ୍ରବେଶ କରିଛନ୍ତି। ଏଥିସହ ନାଇଟ ରାଇଡର୍ସ ସିପିଏଲ ଇତିହାସରେ ପ୍ରଥମ ଦଳଭାବେ ଅଲ୍-ଓ୍ବିନ ସହ ସିଜନ ଶେଷ କରିବା ଦ୍ୱାରଦେଶରେ ପହଞ୍ଚତ୍ ଯାଇଛି। ଏହି ଦଳ ସମସ୍ତ ୧୦ଟି ଯାକ ଲିଗ୍ମ୍ୟାଚ ଜିତିବାପରେ ସେମିଫାଇନାଲରେ ବିଜୟ ହାସଲ କରିଛି। ପୂର୍ବରୁ ନାଇଟ ରାଇଡର୍ସ ୩ ଥର ସିପିଏଲ ଟାଇଟଲ ହାସଲ କରି ସାରିଛି। ଗୁରୁବାର ଫାଇନାଲ ଅନୁଷ୍ଠିତ ହେବ।
ପ୍ରଥମ ସେମିଫାଇନାଲରେ ନାଇଟ ରାଇଡର୍ସ ୯ ଉଇକେଟରେ ଜାମାଇକା ତଲାଓ୍ବାସକୁ ପରାସ୍ତ କରିଥିଲା। ଜାମାଇକା ଦଳ ପ୍ରଥମେ ବ୍ୟାଟିଂ କରି ୨୦ ଓଭରରେ ୭ ଉଇକେଟ ହରାଇ ୧୦୭ ରନ କରିଥିଲା। ଜବାବରେ ନାଇଟ ରାଇଡର୍ସ ୧୫ ଓଭରରେ ମାତ୍ର ୧ ଉଇକେଟ ହରାଇ ୧୧୧ ରନ ସଂଗ୍ରହ କରି ବିଜୟୀ ହୋଇଥିଲା। ବିଜୟୀ ଦଳର ବାମହାତୀ ସ୍ପିନର ଆକେଲ ହୋସେନ ନିଜ ୪ ଓଭର ସ୍ପେଲ୍ରେ ଗୋଟିଏ ମେଡେନ ନେଇ ମାତ୍ର ୧୪ ରନରେ ୩ଟି ଉଇକେଟ ନେଇଥିବାରୁ ପ୍ଲେୟର ଅଫ ଦି ମ୍ୟାଚ ବିବେଚିତ ହୋଇଥିଲେ। ଏକ ଲୋ ସ୍କୋରିଂ ଦ୍ୱିତୀୟ ସେମିଫାଇନାଲରେ ଜୌକ୍ସ ୧୦ ଉଇକେଟରେ ଗୁୟାନା ଆମାଜନ ଓ୍ବାରିୟର୍ସକୁ ପରାସ୍ତ କରିଥିଲା। ଗୁୟାନା ଦଳ ୧୩.୪ ଓଭରରେ ମାତ୍ର ୫୫ ରନ କରି ଅଲଆଉଟ ହୋଇଥିଲା। ଜବାବରେ ଜୌକ୍ସ ୪.୩ ଓଭରରେ କୌଣସି ଉଇକେଟ ନ ହରାଇ ୫୬ ରନ ସଂଗ୍ରହ କରି ନେଇଥିଲା। ବିଜୟୀ ଦଳର ବୋଲର ମାର୍କ ଡେୟର ମାତ୍ର ୧ ଓଭର ବୋଲିଂ କରି ୨ ରନ ଦେଇ ୨ଟି ଉଇକେଟ ନେଇଥିବାରୁ ପ୍ଲେୟର ଅଫ ଦି ମ୍ୟାଚ ବିବେଚିତ ହୋଇଥିଲେ।
