ପୁରୀ ଅଫିସ, ୧୧।୬: ଗୁଣ୍ଡିଚା ମନ୍ଦିର ନାଟମଣ୍ଡପ ଛାତକୁ ଧରି ରଖିଥିବା କଲମ କାପିଟାଲ ବିମ୍ରେ ଫାଟ ସୃଷ୍ଟି ହୋଇଛି । ନାଟମଣ୍ଡପ ମରାମତି ପର୍ଯ୍ୟାୟରେ ଛାତରୁ ଚୂନ ଛଡ଼ାଯିବା ପରେ ଏହି ଫାଟଗୁଡ଼ିକ ଦେଖିବାକୁ ମିଳିଥିଲା। ଗୁଣ୍ଡିଚା ମନ୍ଦିର ନାଟମଣ୍ଡପ ୫୦୦ ବର୍ଷ ପୂର୍ବେ ନିର୍ମାଣ ହୋଇଥିଲା । ମରାମତି ନିମନ୍ତେ ଛାତର ସ୍ଥିତି ଅନୁଧ୍ୟାନ କରିବାକୁ ଚୂନ ଛଡ଼ା ଯାଇଥିଲା । ଚୂନ ଛଡ଼ାଯିବା ବେଳେ ବିମ୍ରେ ଫାଟ ରହିଥିବା ଏବଂ ଛାତ ନଷ୍ଟ ହୋଇ ଦୁଇଟି ଲୁହା ଛଡ଼ ଝୁଲି ରହିଥିବା ଦେଖାଯାଇଥିଲା । ଏହି ତଥ୍ୟ ପଦାକୁ ଆସିବା ପରେ ପରେ ଗୁଣ୍ଡିଚା ମନ୍ଦିର ନାଟମଣ୍ଡପର ସୁରକ୍ଷା ନେଇ ବିଶେଷଜ୍ଞମାନଙ୍କ ମଧ୍ୟରେ ତନାଘନା ଚାଲିଛି ।
