କଳାକାର ଯେକୌଣସି ଜିନିଷକୁ ସୁନ୍ଦର କଳାକୃତିରେ ପରିଣତ କରିପାରନ୍ତି। ଚାଇନାର ଜିଆଙ୍ଗ ଦୁଆନ୍ ହେଉଛନ୍ତି ସେମିତି ଜଣେ କଳାକାର, ଯେକି ଛୋଟ ଛୋଟ ବୋତଲ ଭିତରେ ସୁନ୍ଦର ସୁନ୍ଦର ପେଣ୍ଟିଂ କରିପାରନ୍ତି। ତାଙ୍କର ଏହି ଦକ୍ଷତା ସମସ୍ତଙ୍କଠାରୁ ବେଶ୍ ନିଆରା। ଛୋଟିଆ ସରୁ ବ୍ରଶକୁ ଛୋଟ ଛୋଟ ବୋତଲ ଭିତରେ ପୁରାଇ ସୁନ୍ଦର ପ୍ରାକୃତିକ ଦୃଶ୍ୟ ସହ ଅନେକପ୍ରକାରର ଆକର୍ଷକ ପେଣ୍ଟିଂ ସେ କରିପାରନ୍ତି। ଏହି ସୂକ୍ଷ୍ମ କାରିଗରୀ କରିବା ଲାଗି ବ୍ୟବହାର କରୁଥିବା ସ୍ବତନ୍ତ୍ରଧରଣର ବ୍ରଶକୁ ସେ ନିଜେ ତିଆରି କରିଛନ୍ତି। ଅସୀମ ଧୈର୍ଯ୍ୟ ଓ ଏକାଗ୍ରତାର ଦ୍ୱାରା ପ୍ରସ୍ତୁତ ହେଉଥିବା ଏହି କାରିଗରି ସମସ୍ତଙ୍କୁ ଚକିତ କରିଦିଏ।