ନୟାଗଡ଼ ଅଫିସ/ରଣପୁର, ୧୮ା୯(ସ୍ବ.ପ୍ର.): ରଙ୍ଗବେରଙ୍ଗର ଫୁଲ ଗଛ ସହ ବିଭିନ୍ନ ଔଷଧିୟ ଗଛରେ ଝଲଶୁଛି ଶ୍ମଶାନ। ଯାହାକି ପାର୍କର ଭ୍ରମ ସୃଷ୍ଟି କରୁଛି। ନୟାଗଡ଼ ଜିଲା ରଣପୁର ଏନଏସି ଅଞ୍ଚଳରେ ରହିଛି ଏହି ଶ୍ମଶାନ। ଏହା ମୋ ଜନ୍ମଭୂମି ମୋ ସ୍ବର୍ଗଦ୍ୱାର ନାମରେ ନାମିତ। ଘାଟ ନର୍ମାଣ ସେବା ସଂଘର ସଦସ୍ୟମାନେ ନିଜସ୍ବ ଖର୍ଚ୍ଚରେ ଏହି ଶ୍ମଶାନକୁ ସୌନ୍ଦର୍ଯ୍ୟମୟ କରିଛନ୍ତି। ସାଧାରଣତଃ ଶ୍ମଶାନକୁ ଯିବାକୁ ଲୋକଙ୍କୁ ଡର ଲାଗେ। ତେବେ ରଣପୁରର ଏ ଶ୍ମଶାନରେ ଲୋକଙ୍କ ଭିଡ ଜମେ। ଘାଟ ନର୍ମାଣ ସେବା ସଂଘ ସଦସ୍ୟଙ୍କୁ ସରକାରୀ ସହାୟତା ଯୋଗାଇ ଦିଆଗଲେ ରଣପୁର ଅଞ୍ଚଳର ଅନ୍ୟ ଶ୍ମଶାନଗୁଡ଼ିକ ମଧ୍ୟ ପାର୍କ ପରି ଝଲସି ଉଠନ୍ତା ବୋଲି ମତପ୍ରକାଶ ପାଇଛି।