ଇନ୍ଷ୍ଟାଗ୍ରାମ ମଡେଲ ଇଜାବେଲଙ୍କ ସହ ଜେଟ୍ଷ୍ଟାର ବିମାନରେ ଏକ ଆଶ୍ଚର୍ଯ୍ୟକର ଘଟଣା ଘଟିଛି। ଏହି ବିମାନରେ ଏକ କଳାରଙ୍ଗର କ୍ରପ୍ ଟପ ଏବଂ ନୀଳ ରଙ୍ଗର ଜିନ୍ସ ପିନ୍ଧି ବସିଥିଲେ ଇଜାବେଲ। ଏହା ଦେଖି ବିମାନର ଜଣେ କ୍ରୁ ମେମ୍ବର ତାଙ୍କର ଆଉଟ୍ଫିଟ୍ ଭଲ ଦେଖାଯାଉନି ବୋଲି କହିଥିଲେ। ଏଥିସହିତ ସେ ନିଜର ଜ୍ୟାକେଟ ଖୋଲି ଇଜାବେଲଙ୍କୁ ଦେଇଥିଲେ। ଏହି ଘଟଣା ପରେ ଇଜାବେଲଙ୍କୁ ଲାଜ ଲାଗିଥିଲା।
ଏକ ସାକ୍ଷାତକାରରେ ସେ ଇଜାବେଲ କହିଛନ୍ତି, ସେ ଯେତେବେଳେ ଗୋଲ୍ଡ କୋଷ୍ଟରୁ ବିମାନରେ ମେଲବୋର୍ନ ଯାଉଥିଲେ ତାଙ୍କ ସହ ଏପରି ଘଟିଥିଲା। ତାଙ୍କ ଟିକେଟ ଦେଖିବା ସମୟରେ କ୍ରୁ ମେମ୍ବର ପଚାରିଥିଲେ ତୁମ ପାଖରେ ଜ୍ୟାକେଟ ଅଛି କି? ମୁଁ ସେତେବେଳ ଯାଏ ଜାଣି ନ ଥିଲି ସେ କ’ଣ ପାଇଁ ମୋତେ ଏପରି ପଚାରୁଛନ୍ତି। ମୁଁ ଭାବୁଥିଲି ମେଲବୋର୍ନରେ ଅଧିକ ଥଣ୍ଡା ହେଉଛି ବୋଲି ସେ ଏପରି ପଚାରୁଛନ୍ତି। କିନ୍ତୁ ସେ ମହିଳା ଜଣକ ମୋତେ କହିଲେ ତୁମେ ଯେଉଁ ଡ୍ରେସ ପିନ୍ଧିଛ ତୁମେ ବିମାନ ଯାତ୍ରା କରିପାରିବ ନାହିଁ। ବିକ୍ନୀ ପିନ୍ଧି ତୁମେ ବିମାନରେ ଯାଇପାରିବ ନାହିଁ। ଇଜାବେଲ୍ କହିଲେ ଏହା ବିକ୍ନୀ ନୁହେଁ, ଏକ କ୍ରପ୍ ଡ୍ରେସ। ଏହା ପରେ ମହିଳା ଆଟେଡାଣ୍ଟ ଜଣକ କ୍ରୁଙ୍କୁ ଡାକିଲେ ଏବଂ ଜ୍ୟାକେଟ ବିଷୟରେ କହିଲେ। କ୍ରୁ ତାଙ୍କ ଜ୍ୟାକେଟ ଖୋଲି ଇଜେବେଲଙ୍କୁ ଦେଇଥିଲେ। ଇଜାବେଲ ତାଙ୍କ ସ୍ବାମୀଙ୍କ ସହ ଯାତ୍ରା କରୁଥିଲେ। ଏହି କାରଣ ଯୋଗୁ ସେ ଏୟାରଲାଇନ୍ସକୁ କ୍ଷମା ମଧ୍ୟ ମାଗିଥିଲେ।
