କ୍ରିକେଟ ଦୁନିଆରେ ପ୍ରତିଦିନ ନୂଆ ରେକର୍ଡ ସୃଷ୍ଟି ହେଉଥିବା ବେଳେ ରେକର୍ଡ ଭାଙ୍ଗିଥାଏ ମଧ୍ୟ। ଠିକ୍ ସେହିପରି ମାର୍ଚ୍ଚ ୧୦ ଭାରତୀୟ କ୍ରିକେଟ ଇତିହାସରେ ସ୍ବର୍ଣ୍ଣ ଅକ୍ଷରରେ ଲେଖାଯାଇଛି। କାରଣ ଏହି ଦିନ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ସୁନୀଲ ଗାଭାସ୍କରଙ୍କ ନେତୃତ୍ୱରେ ଦଳ ପାକିସ୍ତାନକୁ ୮ ଉଇକେଟରେ ହରାଇ ‘ମିନି ବିଶ୍ୱକପ୍’ ନିଜ ନାମରେ କରିଥିଲା।
୧୦ ମାର୍ଚ୍ଚ ୧୯୮୫ରେ ବେନସନ ଏବଂ ହେଜେସ୍ ବିଶ୍ୱ ଚାମ୍ପିୟନସିପ୍ର ଫାଇନାଲ ମ୍ୟାଚ୍ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିଲା। ଏହା ମିନି ବିଶ୍ୱକମ୍ ଭାବେ ମଧ୍ୟ ଜଣାଯାଏ। ଏହି ଦିନ ଅଷ୍ଟ୍ରେଲିୟାର ମେଲବୋର୍ନ କ୍ରିକେଟ ଗ୍ରାଉଣ୍ଡରେ ଭାରତ ଏବଂ ପାକିସ୍ତାନ ଧ୍ୱନି ଶୁଣିବାକୁ ମିଳୁଥିଲା। କାରଣ ଏହି ୨ ଦଳ ବିଶ୍ୱ ଚାମ୍ପିୟନସିପ୍ର ଫାଇନାଲ ମ୍ୟାଚ୍ ଖେଳୁଥିଲେ। ପାକିସ୍ତାନ ୫୦ ଓଭରରେ ୯ ଉଇକେଟରେ ୧୭୬ ରନ୍ କରିଥିଲା। ୧୭୭ ଲକ୍ଷରେ ଭାରତ ୧୭ ବଲ ବାକି ଥିବାବେଳେ ୨ ଉଇକେଟରେ ଦଳକୁ ଜିତାଇବାରେ ସକ୍ଷମ ହୋଇଥିଲା। ଏହି ମ୍ୟାଚ୍ରେ ଶ୍ରୀକାନ୍ତଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଭାବେ ଚୟନ କରାଯାଇଥିଲା। ସେହିପରି ରବି ଶାସ୍ତ୍ରୀଙ୍କୁ ଏହି ଟୁର୍ଣ୍ଣାମେଣ୍ଟରେ ଚାମ୍ପିୟନ୍ ଅଫ୍ ଚାମ୍ପିୟନ୍ ଉପାଧି ମିଳିଥିଲା। ଏହି ମହାନ ଖେଳ ପାଇଁ ରବିଙ୍କୁ ଏକ ଅଡ୍ଡି କାର ମଧ୍ୟ ମିଳିଥିଲା। ଏହା ପରେ ସମସ୍ତ ଭାରତୀୟ ଖେଳାଳି ଏହି କାରରେ ବସି ପଡିଆରେ ବୁଲିଥିଲେ।
