ମେଲବୋର୍ଣ୍ଣ, ୨୦।୧:ଟେଷ୍ଟ ସିରିଜରେ ଅଷ୍ଟ୍ରେଲିଆ ବିପକ୍ଷରେ ଐତିହାସିକ ବିଜୟ ପରେ ଭାରତୀୟ ଦଳକୁ ଚାରିଆଡୁ ପ୍ରଶଂସା ମିଳିଛି। ଭାରତୀୟ ଦଳର ସାହସ, ଦୃଢତା ଏବଂ ଦକ୍ଷତା ପାଇଁ କ୍ରିକେଟ ଅଷ୍ଟ୍ରେଲିଆ ବୁଧବାର ଭାରତୀୟ ଦଳକୁ ପ୍ରଶଂସା କରିଛି। ବୋର୍ଡ (ବିସିସିଆଇ) କୁ ଧନ୍ୟବାଦ। ଅଜିଙ୍କେ ରାହାନେଙ୍କ ନେତୃତ୍ୱରେ ଅପେକ୍ଷାକୃତ ଦୁର୍ବଳ ଦଳ ଚାରି ମ୍ୟାଚ ବିଶିଷ୍ଟ ସିରିଜ ୨-୧ରେ ବର୍ଡର-ଗାଭାସ୍କର ଟ୍ରଫି ଜିତିଛି। କ୍ରିକେଟ ଅଷ୍ଟ୍ରେଲିଆ ବିସିସିଆଇକୁ ଧନ୍ୟବାଦ ଜଣାଇ ଚିଠିରେ ଲେଖିଛି ଯେ, କ୍ରିକେଟ ଅଷ୍ଟ୍ରେଲିଆର ସମସ୍ତଙ୍କ ତରଫରୁ ବର୍ଡର-ଗାଭାସ୍କର ଟ୍ରଫି ଜିତିବା ପାଇଁ ଏହି ସିରିଜରେ ଦେଖାଇଥିବା ସାହସ, ଦୃଢତା ଏବଂ ଦକ୍ଷତା ପାଇଁ ଆମେ ଭାରତୀୟ ଦଳକୁ ଅଭିନନ୍ଦନ ଜଣାଉଛୁ। ଏହି ସିରିଜ ଆଗାମୀ ପିଢିରେ ମଧ୍ୟ ଆଲୋଚନା ହେବ। ଏହାସହ କରୋନା ସମୟରେ ଏହି ସିରିଜ୍ ସଫଳତାର ସହ ଆୟୋଜନ ହୋଇପାରିଥିବାରୁ ବିସିସିଆଇ ମଧ୍ୟ ଧନ୍ୟବାଦ ଜଣାଇଛି।