ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି-୨୦ ଅନ୍ତର୍ଜାତୀୟ ସିରିଜ୍ର ତୃତୀୟ ମ୍ୟାଚ୍ ମଙ୍ଗଳବାର ଅନୁଷ୍ଠିତ ହୋଇଥିଲା। ଏଥିରେ ଭାରତ ୮ ଉଇକେଟରେ ଇଂଲଣ୍ଡ ଠାରୁ ପରାସ୍ତ ହୋଇଛି। ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଭାରତ ପ୍ରଥମ ବ୍ୟାଟିଂ କରି ୧୫୬ ରନ୍ କରିଥିଲା। ଏହି ମ୍ୟାଚ୍ରେ ଭାରତୀୟ ଦଳର ଓପନର କେ. ଏଲ୍ ରାହୁଲ ପୁଣିଥରେ ଫ୍ଲପ୍ ହୋଇଛନ୍ତି। ଦଳ ତାଙ୍କ ଉପରେ ଭରସା କରି ୩ ଥର ଓପନିଂ କରିବାର ସୁଯୋଗ ଦେଇଥିଲା। ମାତ୍ର ଏଥର ମଧ୍ୟ ସେ ଶୂନରେ ଆଉଟ୍ ହୋଇଥିଲେ। ରାହୁଲଙ୍କ ଖରାପ ପ୍ରଦର୍ଶନ ଦେଖି ପ୍ରଶଂସକମାନେ ତାଙ୍କୁ ଟ୍ରୋଲ କରିବା ଆରମ୍ଭ କରିଦେଇଛନ୍ତି।
ରାହୁଲ ଶେଷ ୩ ଇନିଂସରେ ସେ ୧ ରନ୍ କରିପାରିଛନ୍ତି। ଏଥିସହ ତାଙ୍କ ନାମରେ ଏକ ଲଜ୍ଜାଜନକ ରେକର୍ଡ ସୃଷ୍ଟି ହୋଇଛି। ରାହୁଲ ଗତ ୩ ଇନିଂସରେ ଇଂଲଣ୍ଡ ବିପକ୍ଷରେ ୦,୧, ୦ ରନ୍ କରିଛନ୍ତି। ଏହି ମାମଲାରେ ରାହୁଲ ଦ୍ରୁତ ବୋଲର ଆଶିଷ ନେହେରା ଏବଂ ବ୍ୟାଟ୍ସମ୍ୟାନ୍ ଅମ୍ବତି ରାୟୁଡୁଙ୍କ ସମକକ୍ଷ ହୋଇଛନ୍ତି।
୨୦୨୦ ଆଇସିସି ବିଶ୍ୱକପ୍ ଟି-୨୦ରେ ନେହେରା ୨ ଥର ଶୂନରେ ଆଉଟ୍ ହୋଇଥିଲେ। ସେହିପରି ୨୦୧୫ରେ ସାଉଥ୍ ଆଫ୍ରିକା ବିପକ୍ଷରେ ଅମ୍ବତି ୨ ଥର ଶୂନରେ ଆଉଟ୍ ହୋଇଥିଲେ।
