ସିଡ୍ନୀ ,୨୨।୧୨: କିମ୍ବଦନ୍ତୀ ଅଷ୍ଟ୍ରେଲିଆନ ବ୍ୟାଟ୍ସମ୍ୟାନ ଡନ୍ ବ୍ରାଡମ୍ୟାନଙ୍କୁ ଅନ୍ତର୍ଜାତୀୟ କ୍ରିକେଟରେ ପଦାର୍ପଣବେଳେ ମିଳିଥିବା କ୍ୟାପକୁ କିଣିଛନ୍ତି ଅଷ୍ଟ୍ରେଲିଆର ଜଣେ ବ୍ୟବସାୟୀ। ବ୍ରାଡମ୍ୟାନଙ୍କ ବ୍ୟାଗି ଗ୍ରୀନ ଟେଷ୍ଟ କ୍ୟାପକୁ କିଣିବା ଲାଗି ସ୍ଥାନୀୟ ବ୍ୟବସାୟୀ ପିଟର ଫ୍ରିଡମ୍ୟାନଙ୍କୁ ଖର୍ଚ୍ଚ କରିବାକୁ ପଡ଼ିଛି ୩୪୦ ହଜାର ଆମେରିକୀୟ ଡଲାର। ଏହାର ମୂଲ୍ୟ ଭାରତୀୟ ମୁଦ୍ରାରେ ୨ କୋଟି ୫୧ ଲକ୍ଷ ୨୩ ହଜାର ୫୮୬ ଟଙ୍କା। ତେବେ ଏହା ଅଷ୍ଟ୍ରେଲିଆ ଖେଳାଳିଙ୍କ ପ୍ରଥମ ଟେଷ୍ଟ କ୍ୟାପକୁ ମିଳିଥିବା ସର୍ବାଧିକ ମୂଲ୍ୟ ନୁହେଁ ।
ଚଳିତ ବର୍ଷ ପ୍ରାରମ୍ଭରେ ବିକ୍ରି ହୋଇଥିବା ଅଷ୍ଟ୍ରେଲିଆନ ଲେଗ୍ ସ୍ପିନର ଶେନ ଓ୍ବାର୍ନଙ୍କ ପ୍ରଥମ ଟେଷ୍ଟ କ୍ୟାପ ହାତେଇଥିଲା ସର୍ବାଧିକ ୭୬୦ ହଜାର ଆମେରିକୀୟ ଡଲାର, ଯାହାକି ସର୍ବାଧିକ। ଏହା ପଛକୁ ରହିଛି ବ୍ରାଡମ୍ୟାନଙ୍କ ପଦାର୍ପଣ କ୍ୟାପର ମୂଲ୍ୟ। ୧୯୨୮ରେ ପଦାର୍ପଣ କରିଥିବା ବ୍ରାଡମ୍ୟାନ ୧୯୪୮ ମଧ୍ୟରେ ୫୨ ଟେଷ୍ଟ ଖେଳିଥିଲେ।