ନୂଆଦିଲ୍ଲୀ,୧୨।୫: ଟିମ୍ ଇଣ୍ଡିଆର କୋଚ୍ ଭାବେ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ୨୦୨୪ ଟି୨୦ ବିଶ୍ୱକପ୍ ପରେ ଶେଷ ହେବାକୁ ଯାଉଛି। ନିକଟରେ ବିସିସିଆଇ ସଚିବ ଜୟ ଶାହା ଏନେଇ ସୂଚନା ଦେଇ ଖୁବ୍ଶୀଘ୍ର ନୂଆ କୋଚ୍ ଲାଗି ଆବେଦନ ମଗାଯିବ ବୋଲି କହିଥିଲେ। ଏମିତିରେ ଭାରତୀୟ ଟିମ୍ରେ ରାହୁଲ ଦ୍ରାବିଡଙ୍କ ସ୍ଥାନ କିଏ ନେବ ତାହା ବଡ଼ ପ୍ରଶ୍ନ? କାରଣ ଦ୍ରାବିଡ ପୁଣିଥରେ ପଦ ଲାଗି ଆବେଦନ କରିବାର ଆଶା କମ୍। ସେହିଭଳି କ’ଣ ଏମ୍ ଏସ୍ ଧୋନୀ ଟିମ୍ ଇଣ୍ଡିଆର ମୁଖ୍ୟ କୋଚ୍ ହୋଇପାରିବେ ବୋଲି ଆଲୋଚନା ବଢ଼ିଛି।
ହେଲେ ଏହାର ଉତ୍ତର ହେଉଛି ନା। ଧୋନୀ ଚାହିଁଲେ ବି ଟିମ୍ ଇଣ୍ଡିଆର କୋଚ୍ ହୋଇପାରିବେ ନାହିଁ। କାରଣ ଧୋନୀ ଏଥିଲାଗି ଅଯୋଗ୍ୟ। ଭବିଷ୍ୟତର ଆଇସିସି ହଲ୍ ଅଫ୍ ଫେମର୍ ଏବେ ବି ଜଣେ ସକ୍ରିୟ ଖେଳାଳି ଏବଂ ଆଇପିଏଲ୍ରେ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ପାଇଁ ଖେଳୁଛନ୍ତି। ସକ୍ରିୟ ଖେଳାଳି ଥିବାରୁ ମୁଖ୍ୟ କୋଚ୍ ଭାବେ ସେ ଦାୟିତ୍ୱ ତୁଲାଇପାରିବେ ନାହିଁ। ଯଦି ସେ ଏହି ପଦ ଲାଗି ଆବେଦନ କରିବାକୁ ଚାହାନ୍ତି ତେବେ ପ୍ରଥମେ ତାଙ୍କୁ ସିଏସ୍କେ ପାଇଁ ଖେଳିବା ଛାଡ଼ିବାକୁ ହେବ।
ତେବେ ଧୋନୀ ସକ୍ରିୟ କ୍ରିକେଟର ଥିବା ବେଳେ ଟି୨୦ ବିଶ୍ୱକପ୍ ୨୦୨୧ରେ ଟିମ୍ ଇଣ୍ଡିଆର ନେତୃତ୍ୱ ନେଇଛନ୍ତି। ହେଲେ ଏହା ତାଙ୍କର ପାର୍ଟଟାଇମ୍ ଭୂମିକା ଥିଲା। ମୁଖ୍ୟ କୋଚ୍ ଏକ ଫୁଲ୍ ଟାଇମ୍ ଭୂମିକା। ଯଦି ସେ ଏଭଳି ଦାୟିତ୍ୱ ତୁଲାଇବାକୁ ଚାହିଁବେ ତେବେ ଦଳକୁ ପ୍ରାୟ ୧୦ ମାସ ସମୟ ଦେବାକୁ ହେବ। ଏହାର ସମ୍ଭାବନା ମଧ୍ୟ କମ୍।