![](https://www.dharitri.com/wp-content/uploads/2024/03/DHONI-2.jpg)
ନୂଆଦିଲ୍ଲୀ,୧୩।୩: ଆଇପିଏଲ୍ ୨୦୨୩ରେ ଚାମ୍ପିଅନ୍ ହୋଇଥିଲା ଚେନ୍ନାଇ ସୁପର କିଙ୍ଗ୍ସ(ସିଏସ୍କେ)। ଟୁର୍ନାମେଣ୍ଟରେ ମହେନ୍ଦ୍ର ସିଂହ ଧୋନୀ ପୁଣି ଥରେ ନିଜର କ୍ଷମତା ଦେଖାଇଥିଲେ। ଏହି ସିଜନ ପରେ ଧୋନୀ ଆଉ ଖେଳିବେ କି ନାହିଁ ସେନେଇ ପ୍ରଶ୍ନ ଉଠିଥିଲା। ପ୍ରଶଂସକଙ୍କ ଲାଗି ଏଥର ମଧ୍ୟ ସେ ମଇଦାନକୁ ଓହ୍ଲାଇ ଟାଇଟଲ ଜିତିବାକୁ ସ୍ଥିର କରିଛନ୍ତି। ଚଳିତ ସିଜନ ଲାଗି ତାଙ୍କର ଲୁକ୍ ବଦଳିଛି। ମନୋବଳ ବଢ଼ିଛି। ଲମ୍ବା କେଶରେ ସେ ପୂର୍ବଭଳି ଯୁବକ ଦେଖାଯାଉଛନ୍ତି। କହିବାକୁ ଗଲେ ସେ ପୁରୁଣା ଦିନକୁ ମନେ ପକାଉଛନ୍ତି।
ଚେନ୍ନାଇ ସୁପର କିଙ୍ଗ୍ସର ବ୍ୟାଟିଂ ବିଷୟରେ କହିଲେ ଆଗାମୀ ଆଇପିଏଲ୍ ୨୦୨୪ରେ ଶୀର୍ଷ କ୍ରମରେ ଡିଭନ୍ କନୱେଙ୍କୁ ଅନୁପସ୍ଥିତି ବାରିହେବ। ତେବେ ମେଗା ନିଲାମରେ କିଣିଥିବା ରାଚିନ ରବିନ୍ଦ୍ର ଏବଂ ଡ୍ୟାରିଲ ମିଚେଲଙ୍କ ପରି ଖେଳାଳିମାନେ ଏହାର ବ୍ୟାଟିଂ ଲାଇନ୍କୁ ମଜଭୂତ କରିବେ। ଏହି ଦଳରେ ଶୀର୍ଷ କ୍ରମରେ ଋତୁରାଜ ଗାୟକୱାଡ ରହିଛନ୍ତି। ଶେଷ ଓଭରରେ ସ୍କୋର ବୋର୍ଡରେ ରନ ଯୋଡିବାକୁ କିମ୍ବା ମ୍ୟାଚ ଶେଷ କରିବାକୁ ଅଧିନାୟକ ଧୋନୀଙ୍କ ପରି ଜଣେ ଫିନିସର୍ ମଧ୍ୟ ଅଛନ୍ତି।
ସିଏସ୍କେର ଏକ ବଡ ଶକ୍ତି ହେଉଛି ଏହାର ଅଲରାଉଣ୍ଡର, ଯେଉଁମାନେ ଆଇପିଏଲ୍ର ଅନ୍ୟ ଦଳ ଅପେକ୍ଷା ଭଲ ପ୍ରଦର୍ଶନ କରିଥାନ୍ତି। ସିଏସ୍କେରେ ଶିବମ୍ ଦୁବେ, ମୋଇନ ଅଲି, ରବିନ୍ଦ୍ର ଜାଡେଜା, ଶାର୍ଦ୍ଦୁଳ ଠାକୁର ଏବଂ ରାଜ୍ୟବର୍ଦ୍ଧନ ସିଂ ହାଙ୍ଗରଗେକର ଅଲରାଉଣ୍ଡର ଭାବରେ ରହିଛନ୍ତି। ଚେନ୍ନାଇର ବୋଲିଂରେ ମହୀଶ ତେକ୍ଷାନା, ମାଥିଶ ପାଥିରାନା, ନିଶାନ୍ତ ସିନ୍ଧୁ ଏବଂ ମୁଷ୍ଟିଫିଜୁର ରହମାନ ଭଳିଦମ୍ଦାର ପେସର୍ ଅଛନ୍ତି। ଆଇପିଏଲ ୨୦୨୪ ନିଲାମରେ ମୁସ୍ତାଫିଜୁର ରହମାନଙ୍କୁ କିଣି ଦଳ ନିଜର ଶକ୍ତି ବୃଦ୍ଧି କରିଛି।
ମୋଟ ଉପରେ ଦେଖିଲେ ହଳଦିଆ ଜର୍ସିରେ ଏକ ଦମ୍ଦାର ଟିମ୍ ହେଉଛି ସିଏସ୍କେ। ଏହାର ଲଗାମ ଏଭଳି ଜଣେ ଅଧିନାୟକଙ୍କ ହାତରେ ରହିଛି ଯିଏ ଖେଳାଳିଙ୍କଠାରୁ ସର୍ବଶ୍ରେଷ୍ଠ ପ୍ରଦର୍ଶନକୁ ବାହାର କରିବାରେ ସିଦ୍ଧହସ୍ତ।
ଆଇପିଏଲ ୨୦୨୪ ପାଇଁ ଚେନ୍ନାଇ ସୁପର କିଙ୍ଗ୍ସ ଦଳ:
ଏମ୍ଏସ୍ ଧୋନି (ଅଧିନାୟକ), ଡିଭୋନ କନୱେ, ଋତୁରାଜ ଗାୟକୱାଡ, ଅଜିଙ୍କ୍ୟ ରାହାନେ, ଶେଖ ରସିଦ, ରବିନ୍ଦ୍ର ଜାଡେଜା, ମିଚେଲ ସାଣ୍ଟନର୍, ମୋଇନ ଅଲି, ଶିବମ ଦୁବେ, ନିଶାନ୍ତ ସିନ୍ଧୁ, ଅଜୟ ମଣ୍ଡଳ, ରାଜ୍ୟବର୍ଦ୍ଧନ ହଙ୍ଗେରଗାର୍, ଦୀପକ ଚହର, ମହିଷ ତେଖଲାନା