ଇସଲାମାବାଦ,୬।୪: ପାକିସ୍ତାନ କ୍ରିକେଟ ଟିମ୍ ପାଇଁ ଦୁଃଖଦ ଖବର। କାର୍ ଦୁର୍ଘଟଣାରେ ଦଳର ଦୁଇ ଖେଳାଳି ଗୁରୁତର ଆହତ ହୋଇଛନ୍ତି। ସେମାନଙ୍କ ଚିକିତ୍ସା ଚାଲିଛି। ତେବେ ଆଗାମୀ ଦିନରେ ଓ୍ବେଷ୍ଟଇଣ୍ଡିଜ ସହ ଏହାର ମହିଳା ଟିମ୍ ଦିନିକିଆ ଏବଂ ଟି୨୦ ସିରିଜ ଖେଳିଥାନ୍ତା। ଏହାପୂର୍ବରୁ ଏଭଳି ଘଟଣା ଦଳର ମୁଣ୍ଡବ୍ୟଥା ବଢ଼ାଇଛି।
ଏପ୍ରିଲ ୧୮ରୁ ଓ୍ବେଷ୍ଟଇଣ୍ଡିଜ ମହିଳା ଟିମ୍ ପାକିସ୍ତାନ ଗସ୍ତ କରିବ। ଏହା ପୂର୍ବରୁ ପାକିସ୍ତାନର ଦୁଇ ମହିଳା କ୍ରିକେଟର ବିସ୍ମା ମାରୋଫ, ଗୁଲାମ ଫାତିମା କାର୍ ଦୁର୍ଘଟଣାର ଶିକାର ହୋଇଛନ୍ତି। ଶୁକ୍ରବାର ସନ୍ଧ୍ୟାରେ ସେମାନଙ୍କର ଦୁର୍ଘଟଣା ହୋଇଥିବା ଜଣାପଡ଼ିଛି।
ଏନେଇ ପିସିବି ଏକ ବିବୃତି ଜାରି କରି କହିଛି ଯେ, ଦୁର୍ଘଟଣା ପରେ ତୁରନ୍ତ ଉଭୟ ଖେଳାଳିଙ୍କୁ ଫାଷ୍ଟଏଡ୍ ଦିଆଯାଇଥିଲା। ସେବେଠାରୁ ସେ ବୋର୍ଡର ମେଡିକାଲ ଟିମ୍ର ତତ୍ତ୍ୱାବଧାନରେ ଅଛନ୍ତି। ତେବେ ଓ୍ବେଷ୍ଟଇଣ୍ଡିଜ ବିପକ୍ଷ ଘରୋଇ ସିରିଜ ଲାଗି ସମ୍ଭାବ୍ୟ ଖେଳାଳିଙ୍କ ମଧ୍ୟରେ ଉଭୟ ଖେଳାଳି ଥିବା ନେଇ ମଧ୍ୟ ପିସିବି ସ୍ପଷ୍ଟ କରିଛି।