କରୋନା ସମୟରେ ଆଇପିଏଲ ପ୍ରତିଦିନ ଦର୍ଶକଙ୍କୁ ମନୋରଞ୍ଜନ ଯୋଗାଇବାରେ ସହାୟକ ହେଉଛି। ପ୍ରତିଦିନ ଚୌକା, ଛକାର ମଜା ନେଉଛନ୍ତି ଦର୍ଶକ। ଗତ ରବିବାର ରାଜସ୍ଥାନ ରୟାଲ୍ସ ଏବଂ କିଙ୍ଗସ ଏକାଦଶ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଥିଲା। ରାହୁଲ ଟୟୋଟିଆଙ୍କ ବ୍ୟାଟିଂ ସହିତ ଦର୍ଶକ ନିକୋଲାସ ପୁରନଙ୍କ ଏକ ରୋମାଞ୍ଚକର ଫିଲ୍ଡିଂକୁ ଭୁଲି ପାରିବେ ନାହିଁ। ନିକୋଲାସଙ୍କ ଆଶ୍ଚର୍ଯ୍ୟଜନକ ଫିଲ୍ଡିଂ ଦେଖି ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର ମଧ୍ୟ ଚକିତ ହୋଇଯାଇଛନ୍ତି। ସୋସିଆଲ ମିଡିଆରେ ନିକୋଲାସଙ୍କ ଫିଲ୍ଡିଂର ପ୍ରଶଂସା ହେଉଛି। ରାଜସ୍ଥାନ ରୟାଲ୍ସ ଇନିଂସର ୮ତମ ଓଭରରେ ସଞ୍ଜୁ ସାମସନ ଏକ ଧମାକାଦାର ଶଟ ଖେଳିଥିଲେ। ଲାଗୁଥିଲା ଯେ ଏହି ବଲ ସୀମା ପାରରେ ପହଞ୍ଚିବ ଏବଂ ୬ ରନ୍ ହେବ। କିନ୍ତୁ ନିକୋଲାସ ସୁପରମ୍ୟାନ୍ଙ୍କ ପରି ଆକାଶରେ ଡେଇଁ ୬ ରନ୍କୁ ରୋକିଥିଲେ। ବଲ୍ ତଳେ ପଡ଼ିବା ପୂର୍ବରୁ ସେ ବଲକୁ ପଡିଆକୁ ଭିତରକୁ ପକାଇଥିଲେ। ତାଙ୍କ ଶରୀର ସଂପୂର୍ଣ୍ଣ ବାୟୁରେ ଝୁଲୁଥିଲା। ତାଙ୍କର ଆଶ୍ଚର୍ଯ୍ୟଜନକ ଫିଲ୍ଡିଂ ଦେଖି ସମସ୍ତେ ଛିଡା ହୋଇ ରହିଥିଲେ। ସାମସନ ଏହା ଛକା ନୁହେଁ ବୋଲି ନିଜେ ବିଶ୍ୱାସ କରିପାରି ନ ଥିଲେ।
This is the best save I have seen in my life. Simply incredible!!
#IPL2020 #RRvKXIP pic.twitter.com/2r7cNZmUaw
— Sachin Tendulkar (@sachin_rt) September 27, 2020
