ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଏବଂ କାରାବିଆନ୍ ପ୍ରିମିୟର ଲିଗ୍ (ସିପିଏଲ୍) ପରେ କିଙ୍ଗ୍ ଖାନ୍ ଶାହାରୁଖ୍ ଆମେରିକାର ଟି-୨୦ ଲିଗ୍ରେ ପ୍ରବେଶ କରିବାକୁ ପ୍ରସ୍ତୁତ ହେଉଛନ୍ତି। ଏକ ରିପୋର୍ଟ ଅନୁଯାୟୀ, କୋଲକାତା ନାଇଟ୍ ରାଇଡର୍ସ (କେକେଆର୍) ଏବଂ ତ୍ରିନିଦାଦ୍ ଏବଂ ଟବାଗୋ ଟିମ୍ର ମାଲିକ ଶାହାରୁଖ୍ ଏବେ ଲସ୍ ଆଞ୍ଜେଲିସ ଫ୍ରାଞ୍ଚାଇଜ୍ କିଣିଛନ୍ତି। ଏହାର ନାମ ସେ ଲସ୍ ଆଞ୍ଜେଲିସ୍ ନାଇଟ୍ ରାଇଡର୍ସ ରଖିଥିବା ଜଣାପଡ଼ିଛି।
ଆଇପିଏଲ୍ରେ ହେବାକୁ ଥିବା ଏହି ଲିଗ୍ ଖୁବ୍ଶୀଘ୍ର ଆମେରିକାରେ ଲଞ୍ଚ୍ କରାଯିବ। ମିଡିଆ ରିପୋର୍ଟ ଅନୁଯାୟୀ, ଏହି ଲିଗ୍ରେ ୬ଟି ଟିମ୍ ସାନ ଫ୍ରାନ୍ସିସ୍କୋ, ୱାଶିଂଟନ ଡିସି, ଚିକାଗୋ, ଡଲାସ, ନ୍ୟୁୟର୍କ ଏବଂ ଲସ୍ ଆଞ୍ଜେଲସ ଦଳ ହେବ। କିଙ୍ଗ ଖାନଙ୍କ ଦଳ କୋଲକାତା ଦୁଇଥର ଆଇପିଏଲ ଟାଇଟଲ ଜିତିଥିବାବେଳେ ତ୍ରିନିଦାଦ୍ ଏବଂ ଟବାଗୋ ଚାରିଥର କାରିବିଆନ ଲିଗ ଜିତିଛନ୍ତି।