ନୂଆଦିଲ୍ଲୀ,୨୦।୧: ମହେନ୍ଦ୍ର ସିଂହ ଧୋନୀ, ସଚିନ ତେନ୍ଦୁଲକର, ବିରାଟ କୋହଲି, ରବିଚନ୍ଦ୍ରନ ଅଶ୍ୱିନଙ୍କ ସମେତ ଅନେକ ଭାରତୀୟ କ୍ରିକେଟରଙ୍କୁ ଜାନୁଆରୀ ୨୨ରେ ହେବାକୁ ଥିବା ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଲାଗି ନିମନ୍ତ୍ରଣ ମିଳିଛି। ଏହାକୁ ନେଇ କ୍ରିକେଟର ତଥା ଏଏପିର ରାଜ୍ୟ ସଭା ଏମ୍ପି ହରଭଜନ ସିଂହ ନିଜର ପ୍ରତିକ୍ରିୟା ରଖିଛନ୍ତି। ରାଜନୀତି ସହ ଜଡ଼ିତ ଥିଲେ ହେଁ ସେ ଏହି କାର୍ଯ୍ୟକ୍ରମରେ ସାମିଲ ହେବେ ବୋଲି କହିଛନ୍ତି।
କଂଗ୍ରେସ, ଏଏପି ଭଳି ଅନେକ ବିରୋଧୀ ଦଳ ପକ୍ଷରୁ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମର ନିମନ୍ତ୍ରଣପତ୍ରକୁ ଅସ୍ବିକାର କରାଯାଇଛି। ଏହାକୁ ନେଇ ହରଭଜନ କହିଛନ୍ତି, ମୋର ସୌଭାଗ୍ୟ ଯେ ଏବେ ମନ୍ଦିର ହେଉଛି। ସମସ୍ତଙ୍କୁ ସେଠାକୁ ଯିବା ଉଚିତ। ଆଶୀର୍ବାଦ ନେବା ଉଚିତ। ତେବେ କେହି ଯାଆନ୍ତୁ କିମ୍ବା ନ ଯାଆନ୍ତୁ, ଭଗବାନଙ୍କ ଉପରେ ମୋର ବିଶ୍ୱାସ ରହିଥିବାରୁ ମୁଁ ନିଶ୍ଚିତ ଭାବେ ଯିବି। କେଉଁ ଦଳ ସେଠାକୁ ଯାଉଛି କି ଯାଉନାହିଁ ତାର ମୋତେ ଫରକ ପଡେନା ବୋଲି ସେ କହିଛନ୍ତି।
ଏହାଛଡ଼ା ହରଭଜନ ଅନ୍ୟ ଦଳଗୁଡ଼ିକୁ କଟାକ୍ଷ କରିବାକୁ ପଛାଇ ନାହାନ୍ତି। ଯଦି କଂଗ୍ରେସ ଯିବାକୁ ଚାହୁଁଛି ତେବେ ଯାଉ। ଯଦି କେହି ମୋର ସେଠାକୁ ଯିବା ନେଇ ପ୍ରଶ୍ନ ଉଠନ୍ତି ତେବେ ସେ କରୁଥାନ୍ତୁ। ମୁଁ ଭଗବାନଙ୍କ ଉପରେ ବିଶ୍ୱାସ କରେ। ମୋ’ ଜୀବନରେ ଯାହାବି ହେଉଛି ସବୁକିଛି ଭଗବାନଙ୍କ କୃପା। ଏଣୁ ତାଙ୍କ ଆଶୀର୍ବାଦ ନେବାକୁ ଯିବି ବୋଲି ସେ କହିଛନ୍ତି।
#WATCH | On opposition parties declining invitation to Ayodhya Ram Temple ‘Pran Pratishtha’ ceremony, former Cricketer and Rajya Sabha MP Harbhajan Singh says, ” It is our good fortune that this temple is being built at this time, so we all should go and get the blessings.… pic.twitter.com/YUAplDGMNk
— ANI (@ANI) January 19, 2024
