![](https://www.dharitri.com/wp-content/uploads/2020/11/dhcbjh.jpg)
ଅଭିନେତା ସୁନୀଲ ସେଟ୍ଟୀଙ୍କ ଝିଅ ତଥା ଅଭିନେତ୍ରୀ ଆଥିଆ ସେଟ୍ଟୀ ନିକଟରେ ତାଙ୍କ ୨୮ତମ ଜନ୍ମଦିନ ପାଳନ କରିଥିଲେ। ଏହି ବିଶେଷ ଉତ୍ସବରେ ଆଥିଆଙ୍କୁ ଅନେକ ସେଲିବ୍ରିଟି ଶୁଭେଚ୍ଛା ଜଣାଇଥିଲେ। କିନ୍ତୁ ଏସବୁ ମଧ୍ୟରେ ଭାରତୀୟ କ୍ରିକେଟ ଦଳର ଖେଳାଳି କେ.ଏଲ ରାହୁଲ ଆଥିଆଙ୍କୁ ଖାସ୍ ଅନ୍ଦାଜରେ ଜନ୍ମଦିନର ଶୁଭେଚ୍ଛା ଜଣାଇଥିଲେ। ରାହୁଲ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରିଥିଲେ। ଫଟୋରେ ଆଥିଆ ରାହୁଲଙ୍କ କାନ୍ଧରେ ମୁଣ୍ଡ ରଖିଥିବାର ନଜର ଆସିଛନ୍ତି। ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ପ୍ରଶଂସକ ଏହା ଉପରେ ବହୁତ କମେଣ୍ଟ କରୁଛନ୍ତି। ରାହୁଲ ଏହି ଫଟୋରେ ଏକ ବିଶେଷ କ୍ୟାପସନ ଲେଖିଛନ୍ତି। ସେ ଲେଖିଛନ୍ତି, ଶୁଭ ଜନ୍ମଦିନ ପାଗଳ ଶିଶୁ। ଏହା ସହିତ ସେ ଏକ ହାର୍ଟ ଇମୋଜି ଦେଇଛନ୍ତି। ଏହି ଫଟୋ ଉପରେ କମେଣ୍ଟ ଦେଇ ଆଥିଆ ମଧ୍ୟ ଏକ ହାର୍ଟ ଇମୋଜି ଦେଇଥିଲେ। ଆଥିଆ ସେଟ୍ଟୀ ଏବଂ କେ.ଏଲ ରାହୁଲଙ୍କ ଡେଟିଂ ଖବର ଅନେକ ଦିନରୁ ଚର୍ଚ୍ଚା ହୋଇ ଆସୁଛି। କୁହାଯାଉଛି ଯେ ଦୁହେଁ ପରସ୍ପରକୁ ବହୁତ ପସନ୍ଦ କରନ୍ତି ଏବଂ ଏହା ସେମାନଙ୍କ ପରିବାରକୁ ମଧ୍ୟ ଜଣା। ଦୁହିଁଙ୍କ ସମ୍ପର୍କକୁ ନେଇ କାହାରି ଆପତ୍ତି ନାହିଁ।]