ଭାରତୀୟ କ୍ରିକେଟ ଦଳର ଉପଅଧିନାୟକ ରୋହିତ ଶର୍ମାଙ୍କୁ ଚଳିତବର୍ଷ ରାଜୀବ ଗାନ୍ଧୀ ଖେଳରତ୍ନ ପୁରସ୍କାରରେ ସମ୍ମାନୀତ କରାଯିବ ବୋଲି ଘୋଷଣା କରାଯାଇଛି। ଏଥିରେ ଖୁସି ବ୍ୟକ୍ତ କରିଛନ୍ତି ସେ। ମୁମ୍ବାଇ ଇଣ୍ଡିଆନ୍ସର ଅଧିନାୟକ ରୋହିତ୍ ଏବେ ଆଇପିଏଲ୍ ଖେଳିବା ପାଇଁ ଦୁବାଇ ଯାଇଛନ୍ତି। ରୋହିତ ଯେତେବେଳେ ଫାଙ୍କା ଥା’ନ୍ତି ସେ ସମୟରେ ଅମିତାଭ ବଚ୍ଚନଙ୍କ ଅଭିନୀତ ‘ସୂର୍ଯ୍ୟବଂଶମ୍’ ଫିଲ୍ମକୁ ବାରମ୍ବାର ଦେଖନ୍ତି। ଯେତେ ଦେଖିଲେ ବି ଏହି ଫିଲ୍ମ ତାଙ୍କୁ ନୂଆ ନୂଆ ଲାଗେ ବୋଲି ସେ କୁହନ୍ତି। ଏହି ଫିଲ୍ମରୁ ଅନେକ କିଛି ଶିକ୍ଷା ମିଳେ। ଫିଲ୍ମରେ ଅମିତାଭ ବଚ୍ଚନଙ୍କ ଅଭିନୟ ଦେଖି ମୁଁ ତାଙ୍କର ଜଣେ ବଡ଼ ଫ୍ୟାନ୍ ହୋଇଯାଇଥିଲି ବୋଲି ରୋହିତ୍ କୁହନ୍ତି।
