ଭାରତୀୟ ଦ୍ରୁତ ବୋଲର ମହମ୍ମଦ ଶାମି ଏବଂ ତାଙ୍କ ସ୍ତ୍ରୀ ହସିନ ଜାହାଁ ପରସ୍ପରଠାରୁ ଅଲଗା ହୋଇଯାଇଛନ୍ତି। ତଥାପି ହସିନ ତଥାପି ସର୍ବଦା ଚର୍ଚ୍ଚାରେ ରହୁଛନ୍ତି। ତାଙ୍କର ବୋଲ୍ଡ ଭିଡିଓ ଏବଂ ଫଟୋ ଯୋଗୁ ସେ ସମାଲୋଚନାର ଶିକାର ମଧ୍ୟ ହୋଇଛନ୍ତି। ଅଗଷ୍ଟ ୫ରେ ହସିନ ଜାହାଁ ଇନଷ୍ଟାଗ୍ରାମରେ ରାମ ମନ୍ଦିର ବିଷୟରେ ପୋଷ୍ଟ କରିଥିଲେ। ଏହି ପୋଷ୍ଟରେ ମତାଙ୍କୁ କିଛି ଲୋକ ଧମକ ଦେଇଥିଲେ। ଏହି ମାମଲା ଏବେ ଏତେ ବଢି ଯାଇଛି ଯେ ହସିନଙ୍କୁ କୋର୍ଟ ଯିବାକୁ ପଡିଛି। ସେ କୋଲିକତା ହାଇକୋର୍ଟରେ ଝିଅ ଏବଂ ନିଜକୁ ସୁରକ୍ଷା ଦେବାକୁ ଦାବି କରିଛନ୍ତି। ସେ ଏହା ମଧ୍ୟ କହିଛନ୍ତି ଯେ ଅଗଷ୍ଟ ୯ରେ ସେ ଅଭିଯୋଗ କରିଥିଲେ ମଧ୍ୟ ଏନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଆସନ୍ତା ସପ୍ତାହରେ ତାଙ୍କ ଆବେଦନ ଶୁଣାଣି ହେବାର ସମ୍ଭାବନା ରହିଛି। କୋଲକାତାର ଲାଲ ବଜାର ଛକ ସାଇବର ପୋଲିସ ଷ୍ଟେଶନରେ ହସିନ ଅଭିଯୋଗ କରିଛନ୍ତି।
ହସିନ ଜାହାନ କହିଥିଲେ ଯେ, ଅଗଷ୍ଟ ୫ ତାରିଖରେ ସୋସିଆଲ ମିଡିଆରେ ରାମ ମନ୍ଦିରର ଭୁମିପୁଜନ ଅବସରରେ ସମସ୍ତ ହିନ୍ଦୁ ଭାଇ ଓ ଭଉଣୀମାନଙ୍କୁ ଅଭିନନ୍ଦନ ଜଣାଇଥିଲି। ଏହି କାରଣରୁ କିଛି ବ୍ୟକ୍ତି ମୋ ଉପରେ ଅଶାଳୀନ ଭାଷା ବ୍ୟବହାର କରି ମନ୍ତବ୍ୟ ଦେଇଥିଲେ। ମୋତେ ହତ୍ୟା ଏବଂ ବଳାତ୍କାର ହେବାର ଧମକ ମଧ୍ୟ ଦିଆଯାଇଥିଲା। ମୁଁ ପୋଲିସ ଷ୍ଟେଶନରେ ଅଭିଯୋଗ କରିଛି। ପୂର୍ବରୁ ହସିନ ସାମିଙ୍କ ନାଁରେ ନିର୍ଯାତନା ଅଭିଯୋଗ ଆଣିଥିଲେ।
