ମୁମ୍ବାଇ,୬।୨: ଭାରତୀୟ କ୍ରିକେଟର ଶାନ୍ଥାକୁମାରନ ଶ୍ରୀସନ୍ଥଙ୍କୁ ଶନିବାର ୩୮ବର୍ଷ ପୂରଣ ହୋଇଛି। ସେ ୩୯ ବର୍ଷରେ ପାଦ ଦେଇଛନ୍ତି। ୧୯୮୩ ଫେବୃୟାରୀ ୬ରେ ସେ କେରଳର କୋଥାମଙ୍ଗଳମ୍ ଠାରେ ଜନ୍ମଗ୍ରହଣ କରିଥିଲେ। କ୍ରିକେଟ ପଡ଼ିଆରେ ବେଶ ସଫଳତା ହାସଲ କରିପାରି ନ ଥିବା ଶ୍ରୀସନ୍ଥ ମ୍ୟାଚ ଫିକ୍ସିଂ ମାମଲାରେ ଜଡିତ ହୋଇ ନିଜ ପ୍ରଶଂସକଙ୍କଠାରୁ ଦୂରେଇ ଯାଇଥିଲେ। ଗର୍ଲ ଫ୍ରେଣ୍ଡ ଭୁବନେଶ୍ୱରୀ କୁମାରୀଙ୍କ ସହିତ ୬ ବର୍ଷ ଧରି ଡେଟିଂ ପରେ ୨୦୧୩ରେ ଶ୍ରୀସନ୍ଥ ତାଙ୍କୁ ବିବାହ କରିଥିଲେ। ତେବେ ଶ୍ରୀସନ୍ଥ କଲ ଗର୍ଲଙ୍କ ସହିତ ସମୟ ବିତାଉଥିବା ଅଭିଯୋଗ ହୋଇଥିଲା। ଏକ ହୋଟେଲରେ ସେ କଲ ଗର୍ଲଙ୍କ ସହିତ ରାତି ବିତାଇଥିବା ନେଇ ଟୁପ୍ ଟାପ୍ ଚାଲିଥିଲା। ମାତ୍ର ଏହା ଗୁଜବ ବୋଲି ଶ୍ରୀସନ୍ଥ କହିଥିଲୋ। ତେବେ ଗର୍ଲ ଫ୍ରେଣ୍ଡ ଭୁବନେଶ୍ୱରୀ କୁମାରୀ କୌଣସି ଚର୍ଚ୍ଚାକୁ ଖାତିର ନ କରି ଶ୍ରୀସନ୍ଥଙ୍କ ସହିତ ବିବାହ ବନ୍ଧନରେ ବାନ୍ଧି ହୋଇଥିଲେ।