ପୁଣେ,୨୩।୩: ଭାରତ ଏବଂ ଇଂଲଣ୍ଡ ମଧ୍ୟରେ ଏକଦିବସୀୟ ସିରିଜ ଆରମ୍ଭ ପୂର୍ବରୁ ପୂର୍ବତନ ଇଂଲଣ୍ଡ ଅଧିନାୟକ ମାଇକେଲ ଭନ ତାଙ୍କ ଦଳର ବିଜୟ ଆଶା ଛାଡିଛନ୍ତି। ଭନ ଭବିଷ୍ୟବାଣୀ କରି କହିଛନ୍ତି ଯେ, ଭାରତୀୟ ଦଳ ଏକଦିବସୀୟ ସିରିଜରେ କ୍ଲିନ୍ସୁଇପ୍ କରିବ। ଏହାପୂର୍ବରୁ ଇଂଲଣ୍ଡର ପୂର୍ବତନ କ୍ରିକେଟର୍ମାନେ ଭାରତୀୟ ଦଳକୁ ସମାଲୋଚନା କରୁଥିବା ଦେଖାଯାଇଥିଲେ। ଟେଷ୍ଟ ଏବଂ ଟି-୨୦ ଭାରତୀୟ ଦଳର ଜବରଦସ୍ତ ପ୍ରଦର୍ଶନ ପରେ ଏବେ ସେମାନଙ୍କ ନିଜ ଦଳକୁ ସମାଲୋଚନା କରିବାକୁ ପଛାଇ ନାହାନ୍ତି। ସୂଚନାଯୋଗ୍ୟ ଯେ, ପୁଣେର ଏମସିଏ ଷ୍ଟାଡିୟମରେ ଭାରତ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ ବିଶିଷ୍ଟ ଏକଦିବସୀୟ ସିରିଜ ଖେଳାଯିବ। ଭାରତୀୟ ଦଳ ଏହା ପୂର୍ବରୁ ଟେଷ୍ଟ ସିରିଜ ଏବଂ ଟି -୨୦ ସିରିଜ ନିଜ ନାମରେ କରିସାରିଛି।