ପୁରୀ ଅଫିସ,୧୮।୧୨ : ଚିତ୍ତରଞ୍ଜନ ପଲେଇଙ୍କ ମୃତ୍ୟୁ ମାମଲାର ତଦନ୍ତଭାର କ୍ରାଇମବ୍ରାଞ୍ଚ ୪ ଦିନ ହେଲା ହାତକୁ ନେଇଛି। ଘଟଣାର କୌଣସି ନିଷ୍କର୍ଷ ବାହାରି ପାରି ନ ଥିଲେ ବି ଅଗ୍ରଗତି ହୋଇଛି। ସାକ୍ଷୀଙ୍କ ବୟାନ ରେକର୍ଡ ହେଉଛି। ସ୍ପଟ ଭେରିଫିକେଶନ ହେଉଛି। ସବୁ ଦିଗରୁ ତଦନ୍ତ ହେଉଛି। ଏଥିରେ ମଧ୍ୟ ଜିଲା ପୋଲିସ ସହାୟତା କରୁଛି। ଚିତ୍ତରଞ୍ଜନଙ୍କୁ ହତ୍ୟା କରାଯାଇଥିଲା ନା ଏହା ଏକ ଦୁର୍ଘଟଣା ଥିଲା ତାହା ସ୍ପଷ୍ଟ ହୋଇନାହିଁ ।ଆବଶ୍ୟକ ପଡ଼ିଲେ ଲାଏ ଡିଟେକ୍ସନ ମଧ୍ୟ କରାଯାଇପାରେ । ଆଜି ପୁରୀ ଏସ୍ପିଙ୍କ କାର୍ଯ୍ୟାଳୟରେ ପହଞ୍ଚି ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମାଙ୍କ ସହଯୋଗୀ ଚିତ୍ତରଞ୍ଜନ ପଲେଇଙ୍କ ହତ୍ୟା ଘଟଣା ତତନ୍ତ ସମ୍ପର୍କରେ ଏପରି କହିଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।
