ପ୍ରୟାଗରାଜ,୬।୧ : ଆହ୍ଲାବାଦ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ଅପରାଧିକ ପୃଷ୍ଠଭୂମି ଯୋଗୁ ଚରିତ୍ରଗତ ପ୍ରମାଣପତ୍ର ରଦ୍ଦ କରିବା ଉଚିତ ନୁହେଁ। ଏଭଳି ବ୍ୟକ୍ତିଙ୍କୁ କାରଣ ଦର୍ଶାଇବାକୁ କିମ୍ବା ତାଙ୍କ ଅଭିଯୋଗର ଶୁଣାଣି କରିବାର ସୁଯୋଗ ଦିଆଯିବା ଆବଶ୍ୟକ। ଏହି ପରିପ୍ରେକ୍ଷୀରେ ଉଚିତ ପ୍ରକ୍ରିୟା ଏବଂ ନ୍ୟାୟପୂର୍ଣ୍ଣ ବ୍ୟବହାର ଉପରେ ଗୁରୁତ୍ୱାରୋପ କରି ଜଷ୍ଟିସ ସୌମିତ୍ର ଦୟାଲ ସିଂ ଏବଂ ଜଷ୍ଟିସ ମନ୍ଜିବ ଶୁକ୍ଲାଙ୍କ ଏକ ଡିଭିଜନ ବେଞ୍ଚ ୧୦ ଏପ୍ରିଲ ୨୦୨୩ରେ ଥିବା ସରକାରୀ ଆଦେଶର ଧାରା -୪ ଅଧ୍ୟୟନ କରିଥିଲେ। ଏଥିରେ ଊଲ୍ଲେଖ ଥିଲା ପଞ୍ଜୀକରଣ / ବିଚାରାଧୀନ ଥିବା ସୂଚନା ପାଇବା ଦିନ ଠାରୁ ସମ୍ପୃକ୍ତ ନାଗରିକଙ୍କୁ ଏକ କାରଣ ଦର୍ଶାଅ ନୋଟିସ ଏକ ସପ୍ତାହ ମଧ୍ୟରେ ଦାଖଳ କରିବାକୁ ହେବ। ନ ହେଲେ ତାଙ୍କର ଚରିତ୍ରଗତ ପ୍ରମାଣପତ୍ରକୁ ରଦ୍ଦ କରିବାକୁ ପଦକ୍ଷେପ ନିଆଯାଇପାରେ।
ଅଦାଲତ ଅନୁସାରେ ଧାରା ୪ ଅନୁଯାୟୀ ଚରିତ୍ରଗତ ପ୍ରମାଣପତ୍ର ବାତିଲ ପାଇଁ ପ୍ରସ୍ତାବିତ କାର୍ଯ୍ୟ କେବଳ ଏକ ଅପରାଧିକ ମାମଲାର ପଞ୍ଜୀକରଣ କିମ୍ବା ପେଣ୍ଡେନ୍ସ ବିଷୟରେ ସୂଚନା ଗ୍ରହଣ କରିବାର ଏକ ସପ୍ତାହ ମଧ୍ୟରେ ନାଗରିକଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରିବା ପରେ ହିଁ ଚାଲିବା ଉଚିତ। ଡିଭିଜନ ବେଞ୍ଚ କହିଛନ୍ତି, ଏହା ପରେ ନାଗରିକଙ୍କୁ ଦୁଇ ସପ୍ତାହ ମଧ୍ୟରେ ନୋଟିସ ଦିଆଯାଇପାରିବ। ନାଗରିକଙ୍କୁ ତାଙ୍କ ଉତ୍ତର ଦାଖଲ କରିବାକୁ ଦୁଇ ସପ୍ତାହ ସମୟ ଦିଆଯାଇପାରେ। ପରବର୍ତ୍ତୀ ଦୁଇ ସପ୍ତାହ ମଧ୍ୟରେ ଶୁଣାଣି ପାଇଁ ଏକ ଛୋଟ ତାରିଖ ସ୍ଥିର କରାଯାଇପାରେ ଏବଂ ତା’ପରେ ୧୦ ଏପ୍ରିଲ ୨୦୨୩ତାରିଖର ସରକାରୀ ଆଦେଶର ଧାରା -୪ ଅନୁଯାୟୀ ଉପଯୁକ୍ତ ଆଦେଶ ପାରିତ ହୋଇପାରେ।
ଅଧିକ ଯୋଗାଯୋଗ ପାଇଁ ଉତ୍ତର ପ୍ରଦେଶର ଅତିରିକ୍ତ ମୁଖ୍ୟ ସରକାରୀ ପରାମର୍ଶଦାତାଙ୍କୁ ଏହାର ଆଦେଶର ଏକ ନକଲ ପ୍ରଦାନ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। କପିଲ ଦେବ ଯାଦବଙ୍କ ଦ୍ୱାରା ଦାଖଲ ହୋଇଥିବା ରିଟ ପିଟିଶନ ଉପରେ କୋର୍ଟ ଏଭଳି ରାୟ ପ୍ରଦାନ କରିଛନ୍ତି।