ଲଣ୍ଡନ,୨୪।୧ : ବ୍ରିଟେନର ଏକ ଅନୁସନ୍ଧାନ କେନ୍ଦ୍ର ଦ୍ୱାରା ନିକଟରେ ହୋଇଥିବା ଥିବା ଅଧ୍ୟୟନରୁ ଜଣାପଡ଼ିଛି ଯେ, ଆଣ୍ଟାର୍କଟିକା ବରଫ ସେଲଫରୁ ଗ୍ରେଟର ଲଣ୍ଡନ ଆକାରର ଏକ ହିମଖଣ୍ଡ ଭାଙ୍ଗି ଅଲଗା ହୋଇଯାଇଛି। ଫଳରେ ଆଣ୍ଟାର୍କଟିକାରେ ସଙ୍କଟ ଘନେଇବାରେ ଲାଗିଛି। ନ୍ୟାଶନାଲ ଜିଓଗ୍ରାଫିକ ଅନୁଯାୟୀ, ଆଇସବର୍ଗଗୁଡିକ ବରଫର ଏକ ବଡ଼ ହିମଖଣ୍ଡ ଯାହା କାଲଭିଙ୍ଗ ନାମକ ଏକ ପ୍ରକ୍ରିୟାରେ ଗ୍ଲେସିୟରରୁ ଭାଙ୍ଗିଯାଇଥାଏ।
ବିଶାଳ ଆଇସବର୍ଗର ଆକାର ପ୍ରାୟ ୬୦୦ ବର୍ଗ ମାଇଲ (୧୫୫୦ ବର୍ଗ କିଲୋମିଟର)। ରବିବାର ୪୯୨ ଫୁଟ ମୋଟା (୧୫୦ ମିଟର) ବ୍ରଣ୍ଟ ମୂଳ ବରଫ ଚଟାଣରୁ ଭାଙ୍ଗି ଦୂରେଇ ଯାଇଥିଲା।
ତେବେ ଏହି ଘଟଣା ଜଳବାୟୁ ପରିବର୍ତ୍ତନ ସହିତ ଜଡିତ ନୁହେଁ। ବ୍ରିଟିଶ ଆଣ୍ଟାର୍କଟିକ ସର୍ଭେ (ବିଏଏସ) ସୂଚାଇ ଦେଇଛି ଯେ କାଲଭିଙ୍ଗ ଘଟଣା ଆଶା କରାଯାଉଥିଲା ଏବଂ ଏହା ବ୍ରଣ୍ଟ ବରଫ ଚଟାଣର ’ପ୍ରାକୃତିକ ଆଚରଣ’ର ଏକ ଅଂଶ ଥିଲା। ବିଏଏସ ପ୍ରତିଦିନ ଗବେଷଣା ଷ୍ଟେଶନରେ ବିଶାଳ ବରଫ ଚଟାଣର ସ୍ଥିତି ଉପରେ ନଜର ରଖିଥାଏ।
ସମ୍ପ୍ରତି କାଲଭିଙ୍ଗ ଘଟଣା ଦ୍ୱାରା ବରଫ ଚଟାଣର ଅଞ୍ଚଳ ପ୍ରଭାବିତ ହୋଇନାହିଁ ବୋଲି ବିଏଏସ କହିଛି।
ଦୁଇ ବର୍ଷ ମଧ୍ୟରେ ଏହା ହେଉଛି ଦ୍ୱିତୀୟ ଘଟଣା। ପୁଣି ହିମଖଣ୍ଡ ବରଫ ଚଟାଣରୁ ଅଲଗା ହୋଇଛି। ଫେବୃଆରୀ ୨୦୨୧ ରେ ୧,୭୭୦ ବର୍ଗ କିମି ଆଇସବର୍ଗ ଏ-୭୪ ଭାବରେ ଜଣାଶୁଣା ୧୫୦ ମିଟର ମୋଟା ବ୍ରଣ୍ଟ ବରଫ ଚଟାଣରୁ ଭାଙ୍ଗି ଯାଇଥିଲା। ବିଏଏସ କହିଛି ଯେ ନୂତନ ଆଇସବର୍ଗ ଏ-୭୪ ଠାରୁ ସାମାନ୍ୟ ବଡ। ପରେ ଏହାକୁ ଆମେରିକାର ଜାତୀୟ ଆଇସ କେନ୍ଦ୍ର ଦ୍ୱାରା ନାମିତ କରାଯିବ।
ଏକ ପ୍ରେସ ବିଜ୍ଞପ୍ତିରେ ବିଏଏସ ନିର୍ଦ୍ଦେଶକ ପ୍ରଫେସର ଡେମ ଜେନ ଫ୍ରାନ୍ସିସ କହିଛନ୍ତି ଯେ ଆମର ଗ୍ଲାସିଓଲୋଜିଷ୍ଟ ଏବଂ ଅପରେଶନ ଦଳ ଏହି ଘଟଣାକୁ ଆଶା କରୁଥିଲେ। ବରଫ ଚଟାଣ ମାପ ଦିନକୁ ଅନେକ ଥର ଜିପିଏସ ଉପକରଣର ସ୍ବୟଂଚାଳିତ ନେଟୱାର୍କ ବ୍ୟବହାର କରି କରାଯାଇଥାଏ।