ଆବଶ୍ୟକ ସାମଗ୍ରୀ: ସ୍ବିଟ୍ କର୍ନ- ୧ କପ୍, ମଇଦା- ୨ ଚାମଚ, କର୍ନଫ୍ଲୋର- ୨ ଚାମଚ, ଗୋଲମରିଚ ପାଉଡର- ଅଧା ଚାମଚ, ଅଦା ରସୁଣ ପେଷ୍ଟ- ଅଧା ଚାମଚ, କଟା ପିଆଜ- ୨ ଚାମଚ, ତେଲ- ୨ ଚାମଚ, କଟା କଞ୍ଚାଲଙ୍କା-୨ଟି, ଶୁଖିଲା ଲଙ୍କା- ୨ଟି, ଟମାଟୋ ସସ୍, ଚିଲି ସସ୍, ସୋୟା ସସ୍- ୧/୪ ଚାମଚ, କ୍ୟାପ୍ସିକମ୍- ଗୋଟେ, ଲୁଣ – ଆବଶ୍ୟକ ଅନୁସାରେ।
ପ୍ରସ୍ତୁତି ପ୍ରଣାଳୀ: ପ୍ରଥମେ ଏକ ପାତ୍ରରେ କର୍ନ, ମଇଦା, କର୍ନଫ୍ଲୋର, ଲୁଣ, ଗୋଲମରିଚ ପାଉଡର ଓ ସେଥିରେ ସାମାନ୍ୟ ପାଣି ଦେଇ ଭଲଭାବେ ଘାଣ୍ଟି ଏକ ମିଶ୍ରଣ ପ୍ରସ୍ତୁତ କରନ୍ତୁ। ଏବେ ଗ୍ୟାସ୍ରେ ଏକ ପ୍ୟାନ୍ ବସାଇ ତେଲ ଗରମ କରନ୍ତୁ। ତେଲ ଗରମ ହେଲା ପରେ ସେଥିରେ ମିଶ୍ରଣକୁ ପକାନ୍ତୁ ଏବଂ କର୍ନଗୁଡ଼ିକ ଗୋଲ୍ଡେନ କଲର ହେବା ଯାଏଁ ଭଲ ଭାବେ ଘାଣ୍ଟନ୍ତୁ। ଏବେ ଏହାକୁ ଏକ ଟିସୁ ପେପରକୁ ବାହାରକରି ନିଅନ୍ତୁ। ଅନ୍ୟପଟେ ଆଉ ଏକ ପ୍ୟାନ୍ ନେଇ ତେଲ ଗରମକରି ସେଥିରେ ପିଆଜ, ଅଦା ରସୁଣ ପେଷ୍ଟ, କଞ୍ଚାଲଙ୍କା, ଶୁଖିଲା ଲଙ୍କା, କ୍ୟାପ୍ସିକମ୍ ପକାଇ ଅଳ୍ପ ସମୟ ପାଇଁ ଭାଜି ଦିଅନ୍ତୁ। ସେଥିରେ ପ୍ୂର୍ବ ପ୍ରସ୍ତୁତ କର୍ନ, ଅଳ୍ପ ଟମାଟୋ ସସ୍, ଚିଲି ସସ୍, ସୋୟା ସସ୍ ଓ ସ୍ବାଦ ଅନୁସାରେ ଲୁଣ ପକାଇ କିଛି ସମୟ ପାଇଁ ଭାଜନ୍ତୁ। ଏବେ ଏହାକୁ ଏକ ପାତ୍ରକୁ ବାହାରକରି ପରଷି ଦିଅନ୍ତୁ କ୍ରିସ୍ପି କର୍ନ। ଏହାକୁ ଆପଣ ଟି’ ସହ ସ୍ନାକ୍ସ ଭାବେ ଖାଇପାରିବେ।
