ନୂଆଦିଲ୍ଲୀ,୩।୧୦: ସୋସିଆଲ ମିଡିଆ ଆପ ଇନଷ୍ଟାଗ୍ରାମରେ କ୍ରିଷ୍ଟିଆନୋ ରୋନାଲଡୋ ଏବଂ ବିରାଟ କୋହଲିଙ୍କ ଫଲୋଅର୍ସ ସଂଖ୍ୟା କମିଯାଇଛି। ବୈଷୟିକ ତ୍ରୁଟି ଯୋଗୁ ଉଭୟଙ୍କର ଲକ୍ଷ ଲକ୍ଷ ଫଲୋଅର୍ସ ହ୍ରାସ ପାଇଛି। ଏହି ବୈଷୟିକ ତ୍ରୁଟି ହେତୁ ଲୋକମାନେ ସେମାନଙ୍କର ପୋଷ୍ଟ ଏବଂ ମେସେଜ୍ ଦେଖିବାରେ ମଧ୍ୟ ଅସୁବିଧାର ସମ୍ମୁଖୀନ ହୋଇଥିଲେ। ଯଦିଓ ଇନଷ୍ଟାଗ୍ରାମ ବର୍ତ୍ତମାନ ଏହି ସମସ୍ୟାର ସମାଧାନ କରିଛି କିନ୍ତୁ କ୍ରିଷ୍ଟିଆନୋ ରୋନାଲଡୋ ଏବଂ ବିରାଟ କୋହଲି ସେମାନଙ୍କ ଫଲୋଅର୍ସ ଆଉ ଫେରି ପାଇପାରି ନାହାନ୍ତି।
ସୂଚନାଯୋଗ୍ୟ ଯେ ଇନଷ୍ଟାଗ୍ରାମରେ କ୍ରିଷ୍ଟିଆନୋ ରୋନାଲଡୋଙ୍କର ସର୍ବାଧିକ ଫଲୋଅର୍ସ ଅଛନ୍ତି, କିନ୍ତୁ ବୈଷୟିକ ତ୍ରୁଟି ହେତୁ ତାଙ୍କୁ ପ୍ରାୟ ୩ ନିୟୁତ ଫଲୋଅର୍ସଙ୍କୁ ହରାଇବାକୁ ପଡିଲା। ଇନଷ୍ଟାଗ୍ରାମରେ କ୍ରିଷ୍ଟିଆନୋ ରୋନାଲଡୋଙ୍କର ୪୯.୩ କୋଟି ଫଲୋଅର୍ସ ଅଛନ୍ତି। ସେହିପରି ବିରାଟ କୋହଲିଙ୍କ ୨୨.୧ କୋଟି ଲୋକ ଫଲୋ କରନ୍ତି।
