ମିକ୍କା, ୧୧ା୨ (ସାଉଦି ଆରବ): କ୍ରିଷ୍ଟିଆନୋ ରୋନାଲ୍ଡୋ ତାଙ୍କ ନୂଆ ସାଉଦି ଆରବ ଟିମ୍ ଅଲ୍ ନାସେର ଦଳ ତରଫରୁ ଖେଳିବା ଆରମ୍ଭ କରି ଏକ ମ୍ୟାଚ୍ରେ ୪ ଗୋଲ ସ୍କୋର କରିଛନ୍ତି। ଫଳରେ ଘରୋଇ ଲିଗ୍ରେ ତାଙ୍କ ଗୋଲ୍ ସଂଖ୍ୟା ୫୦୩ରେ ପହଞ୍ଚତ୍ଛି। ଚାରିଦିନ ପୂର୍ବେ ରୋନାଲ୍ଡୋ ତାଙ୍କର ୩୮ତମ ଜନ୍ମଦିବସ ପାଳିଛନ୍ତି। ସାଉଦି ପ୍ରୋ-ଲିଗ୍ର ଏକ ଗେମ୍ରେ ଅଲ୍ ନାସେର ୪-୦ ଗୋଲ୍ରେ ଅଲ୍ ଓ୍ବେହଦାକୁ ହରାଇ ଦେଇଛି। ମ୍ୟାଚ୍ର ସମସ୍ତ ଗୋଲ୍ ରୋନାଲ୍ଡୋ ସ୍କୋର କରିଛନ୍ତି। ସେ ପ୍ରଥମାର୍ଦ୍ଧରେ ଦୁଇଟି ଗୋଲ୍ ଏବଂ ଅନ୍ୟ ଦୁଇଟି ଦ୍ୱିତୀୟାର୍ଦ୍ଧରେ ସ୍କୋର କରିଥିଲେ। ୫ଥର ବାଲନ ଡି’ଅର୍ ପୁରସ୍କାର ବିଜେତା ପୂର୍ବରୁ ରିଅଲ ମାଡ୍ରିଡ୍, ଜୁଭେଣ୍ଟସ୍ ଓ ମାଞ୍ଚେଷ୍ଟର ୟୁନାଇଟେଡ୍ର ଷ୍ଟାର ଖେଳାଳି ରହିଥିଲେ। ବିଶ୍ୱକପ୍ ପରେ ସେ ଅଲ୍ ନାସେରରେ ଯୋଗଦେଇଥିଲେ।