ଭୁବନେଶ୍ୱର, ୧୧।୧(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ୭ ହଜାର ଟପିଛି। ଗତ ୨୪ ଘଣ୍ଟା ମଧ୍ୟରେ ୬୯,୦୧୮ ନମୂନା ପରୀକ୍ଷା କରାଯାଇଥିବା ବେଳେ ୭,୦୭୧ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏପରି କି ସଂକ୍ରମଣ ହାର ୧୦.୨୫ ପ୍ରତିଶତକୁ ବୃଦ୍ଧି ପାଇଛି।
ସୁନ୍ଦରଗଡ଼ରେ ସର୍ବାଧିକ ସଂକ୍ରମଣ ହାର ୨୨.୮ ପ୍ରତିଶତ ଥିବା ବେଳେ ଖୋର୍ଦ୍ଧାରେ ୧୭.୧, ସମ୍ବଲପୁର ୧୫.୮, କୋରାପୁଟ ୧୨.୪, କଟକରେ ୧୧.୧ ପ୍ରତିଶତ ରହିଛି। ନୂଆ ଆକ୍ରାନ୍ତଙ୍କ ମଧ୍ୟରେ ୪,୧୨୮ କ୍ୱାରାଣ୍ଟାଇନ୍ ସେଣ୍ଟରର ଥିବା ବେଳେ ୨,୯୪୩ ସ୍ଥାନୀୟ ଆକ୍ରାନ୍ତ ରହିଛନ୍ତି।
ଅନ୍ୟପକ୍ଷେ ସୁନ୍ଦରଗଡ଼ ଜିଲାରେ ଦୈନିକ ସଂକ୍ରମିତ ସଂଖ୍ୟା ୧ ହଜାର ଟପିଯାଇଛି। ଗତ ୨୪ ଘଣ୍ଟାରେ ଚିହ୍ନଟ ହୋଇଥିବା ନୂଆ ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୨,୨୨୬, ସୁନ୍ଦରଗଡ଼ରୁ ୧,୧୪୭, ସମ୍ବଲପୁର ୬୦୯, କଟକ ୫୦୫, ମୟୂରଭଞ୍ଜ ୨୦୧, ବଲାଙ୍ଗୀର ୧୯୦, ବାଲେଶ୍ୱର ୧୯୮, ପୁରୀ ୧୫୬, ଝାରସୁଗୁଡ଼ା ୧୪୩, ଯାଜପୁର ୧୩୦, ଗଞ୍ଜାମ ୧୧୧, କୋରାପୁଟ ୧୦୭ ଜଣ ରହିଛନ୍ତି। ବାକି ସବୁ ଜିଲାରେ ସଂକ୍ରମିତଙ୍କ ଶହେ ତଳକୁ ରହିଥିବା ରାଜ୍ୟରେ ଏବେ ମୋଟ କରୋନା ସଂକ୍ରମିତ ସଂଖ୍ୟା ୧୦,୮୨,୭୬୯କୁ ବୃଦ୍ଧି ପାଇଛି। ରାଜ୍ୟରେ ଆଉ ଜଣେ ଆକ୍ରାନ୍ତଙ୍କ ମୃତ୍ୟୁ ପରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୮,୪୬୯ରେ ପହଞ୍ଚତ୍ଛି। ୨୬,୪୬୪ ସକ୍ରିୟ ରୋଗୀ ରହିଛନ୍ତି।