କୁକୁର ଏକ ବିଶ୍ୱସ୍ତ ପ୍ରାଣୀଭାବେ ବେଶ୍ ପରିଚିତ। ମାଲିକ ସହ କୁକୁରର ବନ୍ଧୁତାର ଉଦାହରଣ ବି ଅନେକ ରହିଛି। ସେହିଭଳି କୁକୁରର ଅନ୍ୟ ପ୍ରାଣୀଙ୍କ ସହ ବନ୍ଧୁତା ହେଉଥିବା ମଧ୍ୟ ଦେଖିଥିବେ। ତେବେ ଏକ କୁକୁରର କୌଣସି ପକ୍ଷୀ ସହ ବନ୍ଧୁତା ହେବା ବିରଳ। ନିକଟରେ ସୋସିଆଲ ମିଡଆରେ ଏକ ଜର୍ମାନ ଶେଫର୍ଡ କୁକୁର ସହ ଛୋଟ କାଉର ବନ୍ଧୁତାର ଭିଡିଓ ଲୋକଙ୍କ ମନକୁ ବେଶ୍ ଛୁଉଁଛି। ଏହି କାଉ ଓ କୁକୁର ସବୁବେଳେ ପାଖେ ପାଖେ ରହୁଥିବା ଦେଖିବାକୁ ମିଳୁଛି। ଆଉ ଯଦି କାଉ ଅଳ୍ପ ସମୟ ପାଇଁ ବି ଆଖି ସାମ୍ନାରୁ ଦୂରେଇ ଯାଉଛି କୁକୁର ବ୍ୟସ୍ତ ବିବ୍ରତ ହୋଇ ତାକୁ ଖୋଜୁଛି। ଦୁହେଁ ଗୋଟିଏ ପାତ୍ରରୁ ପାଣି ପିଇବା ସହ ସାଥି ହାଇ ଖାଉଛନ୍ତି। ବିଲେଇଙ୍କଠାରୁ କୁକୁରଟି କାଉକୁ ରକ୍ଷା ବି କରୁଛି। ତେବେ ଏଇ କାଉ ଛୁଆଟି ଥରେ ୧୦୦ ଫୁଟ ଉଚ୍ଚତାରୁ କୁକୁରଟିର ମାଲିକଙ୍କ ବଗିଚାରେ ପଡିଯାଇଥିଲା। ତାକୁ କୁକୁରର ମାଲିକ ଓ କୁକୁର ଦୁହେଁ ମିଶି ବଞ୍ଚାଇବା ସହ ଯତ୍ନ ନେଇଥିଲେ। ଏମିତିରେ କାଉ ଓ କୁକୁରର ବନ୍ଧୁତା ହୋଇଯାଇଥିଲା। ପରବର୍ତ୍ତୀ ସମୟରେ କାଉଟି ନିଜ ପରିବାର ପାଖକୁ ପଳାଇଥିଲା। ହେଲେ ଭୁଲିପାରି ନ ଥିଲା ସେଇ ମାଲିକାଣୀ ଓ ବନ୍ଧୁ କୁକୁରକୁ। ତେଣୁ ଏବେ ସେ ଅଧିକାଂଶ ସମୟ କୁକୁର ପାଖକୁ ଆସେ। ଆଉ ଦୁହେଁ ବହୁତ ଭଲ ସମୟ ବିତାନ୍ତି।