ଭୁବନେଶ୍ୱର,୪।୫ (ଅନୁରାଧା ମହାରଣା): ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ବ୍ୟାରେଲ ପିଛା ୮୦ ଡଲାରରୁ ତଳକୁ ଖସିଛି। ଡବ୍ଲ୍ୟୁଟିଆଇ ଅଶୋଧିତ ତୈଳ ବ୍ୟାରେଲ ପିଛା ୭୮.୯୯ ଡଲାରରେ କାରବାର କରୁଛି। ଇସ୍ରାଏଲ ଏବଂ ଇରାନ ମଧ୍ୟରେ ଚାଲିଥିବା ତିକ୍ତତା ସତ୍ତ୍ୱେ ଗତ ୧ ମାସ ମଧ୍ୟରେ ଅଶୋଧିତ ତୈଳ ମୂଲ୍ୟରେ ପ୍ରାୟ ୧୩ ପ୍ରତିଶତ ହ୍ରାସ ଘଟିଛି। ଅନ୍ତର୍ଜାତୀୟ ବଜାରରେ ବ୍ରେଣ୍ଟ ଅଶୋଧିତ ତୈଳ ବ୍ୟାରେଲ ପିଛା ୮୩.୫୭ ଡଲାରରେ କାରବାର କରୁଛି। ତେଣୁ ଡବ୍ଲ୍ୟଟିଆଇ ଅଶୋଧିତ ବ୍ୟାରେଲ ପିଛା ୭୮.୯୯ ଡଲାରରେ କାରବାର କରୁଛି। ପୂର୍ବରୁ ଏହି ଅଶୋଧିତ ତୈଳ ବ୍ୟାରେଲ ପିଛା ୯୧ ଡଲାରରେ ପହଞ୍ଚତ୍ଥିଲା। ଅଶୋଧିତ ତୈଳ ମୂଲ୍ୟରେ ହ୍ରାସ ଭାରତ ତଥା ସରକାରୀ ତୈଳ କମ୍ପାନୀଗୁଡିକୁ ପାଇଁ ଆଶ୍ୱସ୍ତି ଦେଇଛି। ଅଶୋଧିତ ତୈଳ ମୂଲ୍ୟରେ ବୃଦ୍ଧି ହେତୁ ୨୦୨୩-୨୪ ଆର୍ଥିକ ବର୍ଷର ଚତୁର୍ଥ ତ୍ରୈମାସିକରେ ସରକାରୀ ତୈଳ କମ୍ପାନୀଗୁଡିକର ଲାଭରେ କମ୍ ହୋଇଛି। ଅଶୋଧିତ ତୈଳ ମୂଲ୍ୟରେ ହ୍ରାସର ପ୍ରଭାବ ଶେୟାର ବଜାରରେ ମଧ୍ୟ ଦେଖିବାକୁ ମିଳିଥିଲା। ସରକାରୀ ତୈଳ କମ୍ପାନୀଗୁଡିକର ଶେୟାରରେ ପ୍ରବଳ ବୃଦ୍ଧି ଘଟିଛି। ବିପିସିଏଲ୍ ଷ୍ଟକ୍ ୪.୪୫ ପ୍ରତିଶତ ବୃଦ୍ଧି ସହିତ ୬୩୪.୮୦ ଟଙ୍କାରେ ବନ୍ଦ ହୋଇଛି। ଏଚ୍ପିସିଏଲ୍ ଶେୟାରଗୁଡିକ ୭.୬୭ ପ୍ରତିଶତ ବୃଦ୍ଧି ସହିତ ୫୩୩.୨୦ ଟଙ୍କାରେ ବନ୍ଦ ହୋଇଛି । ଯେତେବେଳେ କି ଆଇଓସି ଷ୍ଟକ୍ ୨.୬୦ ପ୍ରତିଶତ ଜମ୍ପ ସହିତ ୧୭୩.୩୫ ଟଙ୍କାରେ ବନ୍ଦ ହୋଇଯାଇଛି। ବୈଶ୍ୱିକ ଉତ୍ତେଜନା ପରେ ତୈଳ କ୍ଷେତ୍ର ସହ ଜଡ଼ିତ ବିଶେଷଜ୍ଞମାନେ ଅଶୋଧିତ ତୈଳର ମୂଲ୍ୟ ବ୍ୟାରେଲ ପିଛା ୧୦୦ ଡଲାର ଛୁଇଁପାରେ ବୋଲି ଆଶଙ୍କା କରୁଥିଲେ। ଅଶୋଧିତ ତୈଳର ମୂଲ୍ୟ ହ୍ରାସ ପରେ ଏହି ମଧ୍ୟ ଆଶଙ୍କା ହ୍ରାସ ପାଇଛି।